ವಿಜಯ್ ದೇವರಕೊಂಡ ಮನೆಯಲ್ಲಿ ಪ್ರತೀ ದಿನ ಒಂದು ಸಾಂಗ್ ಲೂಪ್ನಲ್ಲಿ ಅವ್ರ ಕಿವಿಗಳನ್ನ ಇಂಪಾಗಿಸ್ತಾ ಇರುತ್ತಂತೆ. ಅವರ ಮನೆ, ಮನಗಳನ್ನ ಆಹ್ಲಾದಗೊಳಿಸೋ ಆ ಗೀತೆ ನಮ್ಮ ಕನ್ನಡಿಗನ ಕಂಠದಲ್ಲಿ ಮೂಡಿಬಂದ ಫೀಲ್ ಗುಡ್ ರಾಧಾ-ರಮಣ ಸಾಂಗ್ ಅನ್ನೋದು ಇಂಟರೆಸ್ಟಿಂಗ್. ಇಷ್ಟಕ್ಕೂ ಅದು ಯಾರ ಕಂಠ..? ಆ ಬಗ್ಗೆ ದೇವರಕೊಂಡ ಫ್ಯಾಮಿಲಿ ಹೇಳೋದಾದ್ರೂ ಏನು..?
ದೇವರಕೊಂಡ ಮನೆ, ಮನದಲ್ಲಿ ಮಾರ್ದನಿಸಿದ ಕನ್ನಡಿಗನ ಕಂಠ
ರಶ್ಮಿಕಾ ನಿವಾಸದಲ್ಲಿ ಲೂಪ್ನಲ್ಲಿ ಕೇಳುತ್ತೆ ರಾಧಾ-ರಮಣ ಗೀತೆ.!
ರೋಮಾಂಚಕಂ ಇವೆಂಟ್.. ದಿಲ್ ದೋಚಿದ ವಾಸುಕಿ ವೈಭವ್
ಸಂದೀಪ್ ರೆಡ್ಡಿ ವಂಗಾ ಫ್ಯಾಮಿಲಿಗೂ ಫೇವರಿಟ್ ಈ ಕನ್ನಡಿಗ..!!
ರೋಮಾಂಚಕಂ.. ಅನಂತಿಕಾ ಹಾಗೂ ಸುಮಂತ್ ಪ್ರಭಾಸ್ ಜೋಡಿಯ ಸಿನಿಮಾ ಇಂದು ಗ್ರ್ಯಾಂಡ್ ಆಗಿ ರಿಲೀಸ್ ಆಗಿದೆ. ಇದೊಂಥರಾ ರೊಮ್ಯಾಂಟಿಕ್ ಫೀಲ್ ಗುಡ್ ಮೂವಿ. ಇತ್ತೀಚೆಗೆ ಅದ್ರ ಪ್ರೀ-ರಿಲೀಸ್ ಇವೆಂಟ್ ನಡೆದಿದ್ದು, ಅಲ್ಲಿ ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಆಗಿದ್ದು ಮಾತ್ರ ನಮ್ಮ ಕನ್ನಡಿಗ ವಾಸುಕಿ ವೈಭವ್. ಅದಕ್ಕೆ ಕಾರಣ ಈ ರಾಧಾ-ರಮಣ ಗೀತೆ.
ಯೂಟ್ಯೂಬ್ನಲ್ಲಿ ಮಿಲಿಯನ್ಗಟ್ಟಲೆ ವೀವ್ಸ್ ಪಡೆದಿರೋ ಈ ರೊಮ್ಯಾಂಟಿಕ್ ಮೆಲೋಡಿ ಸಾಂಗ್ಗೆ ನಮ್ಮ ವಾಸುಕಿ ವೈಭವ್ ಕಂಠವಿದೆ. ವಾಸುಕಿ ಇಲ್ಲಿ ಬರೀ ಹಾಡಿರೋದಷ್ಟೇ ಅಲ್ಲ.. ಇಡೀ ಸಿನಿಮಾಗೆ ಮ್ಯೂಸಿಕ್ ಕೂಡ ಕಂಪೋಸ್ ಮಾಡಿರೋದು ವಿಶೇಷ. ಅಂದಹಾಗೆ ಇದು ಅನಿಮಲ್ ಡೈರೆಕ್ಟರ್ ಸಂದೀಪ್ ರೆಡ್ಡಿ ವಂಗಾ ಪ್ರೆಸೆಂಟ್ ಮಾಡ್ತಿದ್ದು, ಅವ್ರ ಸಹೋದರ ಪ್ರಣಯ್ ರೆಡ್ಡಿ ನಿರ್ಮಾಣ ಮಾಡಿದ್ದಾರೆ.
ಪ್ರೀ ರಿಲೀಸ್ ಇವೆಂಟ್ಗೆ ಗೆಸ್ಟ್ ಆಗಿ ಆಗಮಿಸಿದ್ದ ವಿಜಯ್ ದೇವರಕೊಂಡ ಮಾತಾಡ್ತಾ.. ನಾನು ರಾಧಾ-ರಮಣ ಸಾಂಗ್ಗೆ ಪರವಶನಾಗಿದ್ದೇನೆ. ಇನ್ಫ್ಯಾಕ್ಟ್ ನಮ್ಮ ಮನೆಯಲ್ಲಿ ಆ ಸಾಂಗ್ ಲೂಪ್ನಲ್ಲಿ ಓಡ್ತಾ ಇರುತ್ತೆ ಎಂದಿದ್ದಾರೆ. ವಾಸುಕಿ ಕಂಠದ ಬಗ್ಗೆಯೂ ಮಾತನಾಡಿರೋ ವಿಜಯ್, ನನಗೆ ಮೊದಲು ಈ ಹಾಡನ್ನ ಕೇಳಿಸಿದ್ದು ನನ್ನ ಸಹೋದರ ಆನಂದ್ ದೇವರಕೊಂಡ ಎಂದಿದ್ದಾರೆ. ಅಲ್ಲಿಗೆ ರಶ್ಮಿಕಾ ಮನೆ ಹಾಗೂ ಇಡೀ ಕುಟುಂಬಸ್ಥರ ಮನದಲ್ಲಿ ಕನ್ನಡಿಗ ಕಂಠದಲ್ಲಿ ಅರಳಿದ ಈ ಗೀತೆ ಮಾರ್ದನಿಸುತ್ತಿರೋದು ವಿಶೇಷ.
ಅದೇ ವೇದಿಕೆಯಲ್ಲಿ ವಾಸುಕಿ ವೈಭವ್ ಹಾಡೋದನ್ನ ನೀವೊಮ್ಮೆ ಕೇಳಲೇಬೇಕು. ಎಂಥವ್ರಿಗೂ ಅದು ಹಿತ ಅನಿಸುತ್ತೆ. ಆತ ಒಂಥರಾ ನಮ್ಮ ಸ್ಯಾಂಡಲ್ವುಡ್ ಪಾಲಿನ ಸಿದ್ದ್ ಶ್ರೀರಾಮ್ ಅನಿಸದೆ ಇರಲ್ಲ. ಅಷ್ಟು ಸುಮಧುರವಾಗಿದೆ ವಾಸುಕಿ ವೈಭ್ ಕಂಠ.
ರೋಮಾಂಚಕಂ ಚಿತ್ರದಿಂದ ಟಾಲಿವುಡ್ನ ಸ್ಟಾರ್ಸ್ ಹಾಗೂ ಸ್ಟಾರ್ ಡೈರೆಕ್ಟರ್ಸ್ ದಿಲ್ ದೋಚಿರೋ ಕನ್ನಡಿಗ ವಾಸುಕಿ ವೈಭವ್.. ಈ ಬಾರಿಯ ಇನ್ನಿಂಗ್ಸ್ ಆರಂಭದಲ್ಲೇ ಬಿಗ್ ಓಪನಿಂಗ್ ಪಡೆದಿದ್ದಾರೆ.