ಬೆಂಗಳೂರಿನಲ್ಲಿ ಪುಂಡ ಪೋಕರಿಗಳ ಕಾಟ ದಿನೇ ದಿನೆ ಹೆಚ್ಚಾಗ್ತಾ ಹೋಗ್ತಿದೆ. ಅದ್ರಲ್ಲೂ ಸೆಲೆಬ್ರಿಟಿಗಳಿಗೆ ಕೆಟ್ಟ ಅನುಭವಗಳು ಆದಾಗ ಅಂತಹ ಘಟನೆಗಳು ದೊಡ್ಡ ಮಟ್ಟಕ್ಕೆ ಸದ್ದು ಮಾಡುತ್ತವೆ. ಸದ್ಯ ಬಿಗ್ಬಾಸ್ ಖ್ಯಾತಿಯ ನಟಿ ದಿವ್ಯಾ ಸುರೇಶ್ಗೆ ಅನಾಮಿಕನೊಬ್ಬನ ಅನುಚಿತ ವರ್ತನೆ ಎಲ್ಲಿಲ್ಲದ ಸಿಟ್ಟು ತರಿಸಿದೆ.
- ಅನಾಮಿಕನ ಅನುಚಿತ ವರ್ತನೆ.. ಕಿಡಿ ಕಾರಿದ ನಟಿ ದಿವ್ಯಾ
- ಸೆಲೆಬ್ರಿಟಿಗಳಿಗೇ ಹೀಗಾದ್ರೆ.. ಶ್ರೀಸಾಮಾನ್ಯರ ಗತಿ ಏನು..?!
- ಬಿಗ್ಬಾಸ್ ಬ್ಯೂಟಿ ಮುಂದೆ ಯುವಕನ ಅನುಚಿತ ವರ್ತನೆ
- ದಾಖಲಾಗದ ಪೊಲೀಸ್ ದೂರು.. ಆ ವಿಡಿಯೋ ವೈರಲ್
ಈಕೆ ನಮ್ಮ ಸ್ಯಾಂಡಲ್ವುಡ್ನ ಚೆಲುವೆ ದಿವ್ಯಾ ಸುರೇಶ್. ಸಿನಿಮಾ, ಸೀರಿಯಲ್ಗಳಲ್ಲಿ ಬ್ಯುಸಿ ಇರೋ ಅಪ್ಪಟ ಕನ್ನಡತಿ. ಅಷ್ಟೇ ಅಲ್ಲ, ಬಿಗ್ಬಾಸ್ ಸೀಸನ್-8ರ ಕಂಟೆಸ್ಟೆಂಟ್ ಕೂಡ ಹೌದು. ರೌಡಿ ಬೇಬಿ, ಹಿರಣ್ಯ, ಗಣಿ ಬಿಕಾಂ ಪಾಸ್-2 ಚಿತ್ರಗಳು ಸೇರಿದಂತೆ ಸಾಕಷ್ಟು ಚಿತ್ರಗಳಲ್ಲಿ ಬಣ್ಣ ಹಚ್ಚಿರೋ ಬ್ಯೂಟಿ.
ಸೋಶಿಯಲ್ ಮೀಡಿಯಾದಲ್ಲಿ ಕೂಡ ಸಿಕ್ಕಾಪಟ್ಟೆ ಆ್ಯಕ್ಟೀವ್ ಆಗಿರೋ ದಿವ್ಯಾ ಸುರೇಶ್.. ಸದಾ ಒಂದಿಲ್ಲೊಂದು ಗ್ಲಾಮರಸ್ ಫೋಟೋ, ವಿಡಿಯೋಗಳನ್ನ ಹಾಕ್ತಿರ್ತಾರೆ. ಆದ್ರೆ ಇತ್ತೀಚೆಗೆ ಒಂದು ವಿಡಿಯೋ ಹಂಚಿಕೊಂಡಿದ್ದಾರೆ. ಅದನ್ನ ನೋಡಿದ್ರೆ ಎಂಥವ್ರೂ ಶಾಕ್ ಆಗ್ತಾರೆ. ಹೌದು.. ಬೆಂಗಳೂರು ಹೆಣ್ಣು ಮಕ್ಕಳಿಗೆ ಎಷ್ಟು ಸೇಫ್ ಗುರು ಅನ್ನೋ ಅನುಮಾನ ಕಾಡದೇ ಇರಲ್ಲ.
ನೋಡಿ ಚಡ್ಡಿ ಹಾಕ್ಕೊಂಡ್, ಬಡ್ಡಿ ಮಗ್ನಂತೆ ಕಾಣ್ತಿರೋ ಈ ಆಸಾಮಿ ಯಾರು ಏನು ಎತ್ತ ಅಂತ ಯಾರಿಗೂ ಗೊತ್ತಿಲ್ಲ. ಆದ್ರೆ ಮೊಬೈಲ್ವೊಂದನ್ನ ಒಂದು ಕೈಯಲ್ಲಿ ಹಿಡ್ಕೊಂಡು, ಮತ್ತೊಂದು ಕೈಲಿ ತನ್ನ ಪ್ರೈವೇಟ್ ಪಾರ್ಟ್ನ ಚಡ್ಡಿ ಮೇಲೆಯೇ ಹಿಡಿದುಕೊಂಡಿರೋ ಈತನ ಅನುಚಿತ ವರ್ತನೆ ನಟಿ ದಿವ್ಯಾ ಸುರೇಶ್ಗೆ ಕೆಟ್ಟ ಕೂಪ ತರಿಸಿದೆ. ಆಕೆಯನ್ನೇ ಫಾಲೋ ಮಾಡ್ತಾ ಈ ಅನಾಮಿಕ ಹೀಗೆ ನಡೆದುಕೊಂಡಿರೋದು ನಟಿಯ ಪಿತ್ತ ನೆತ್ತಿಗೇರುವಂತೆ ಮಾಡಿದೆ.
ತಂಗಿ ಜೊತೆ ಕಾರ್ನಲ್ಲಿ ಕನಕಪುರ ರಸ್ತೆಯಲ್ಲಿ ಹೊರಟಿದ್ದ ದಿವ್ಯಾ ಸುರೇಶ್ಗೆ ಹೀಗೆ ಆಗಿರೋದು ಅಚ್ಚರಿ. ಆಕೆ ಆತನನ್ನ ಬೈಯ್ಯುತ್ತಾ ವಿಡಿಯೋ ಮಾಡ್ತಿದ್ರೂ ಸಹ ಕ್ಯಾರೆ ಅನ್ನದ ಆತ ಅಸಭ್ಯವಾಗಿ ವರ್ತಿಸಿರೋದು ಮಾತ್ರ ಶಾಕಿಂಗ್. ಇನ್ನೂ ಅದೇ ವೇಳೆ ಸಹಾಯಕ್ಕೆ ಬಂದ ದ್ವಿಚಕ್ರ ವಾಹನ ಸವಾರನನ್ನ ಕಂಡು ಆ ಆಸಾಮಿ ಅಲ್ಲಿಂದ ಕಾಲ್ಕಿತ್ತಿದ್ದಾನೆ. ಈ ಬಗ್ಗೆ ಪೊಲೀಸ್ ಕಂಪ್ಲೆಂಟ್ ಕೊಡದ ದಿವ್ಯಾ ಸುರೇಶ್, ವಿಡಿಯೋನ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು, ಇಂತಹವರಿಂದ ಹುಚಾರಾಗಿರಿ ಅನ್ನೋ ಸಂದೇಶ ನೀಡಿದ್ದಾರೆ. ಇದನ್ನೆಲ್ಲಾ ನೋಡಿದ್ರೆ ಹೆಣ್ಮಕ್ಳಿಗೆ ಈ ಸಿಟಿ ಎಷ್ಟು ಸೇಫ್ ಗುರು ಅನಿಸಿಬಿಡುತ್ತೆ. ಬೀಟ್ ಪೊಲೀಸರು.. ಇಂತಹ ಅನಾಮಿಕ ರೋಡ್ ರೋಮಿಯೋಗಳ ವಿರುದ್ಧ ಕ್ರಮ ಕೈಗೊಂಡ್ರೆ ಮುಂದೆ ಆಗುವ ದೊಡ್ಡ ದೊಡ್ಡ ಅನಾಹುತಗಳನ್ನ ತಪ್ಪಿಸಬಹುದು.