ಬಾಲಿವುಡ್ನ ಖ್ಯಾರ ನಟ ಆಮೀರ್ ಖಾನ್ ಇತ್ತೀಚೆಗೆ ಗೌರಿ ಸ್ಪ್ರಟ್ ಎಂಬ ಮಹಿಳೆಯೊಂದಿಗೆ ರಿಲೇಶನ್ಶಿಪ್ನಲ್ಲಿದ್ದಾರೆ ಎಂಬುದನ್ನು ಬಹಿರಂಗಗೊಳಿಸಿ ಎಲ್ಲರ ಗಮನ ಸೆಳೆದಿದ್ದರು. 60 ವರ್ಷದ ಆಮೀರ್ ಖಾನ್ ಅವರು ಹಲವು ವರ್ಷಗಳ ಸಿನೆಮಾ ಅನುಭವ ಹೊಂದಿರುವವರು. ಈ ನಡುವೆ ಮೊದಲ ಬಾರಿಗೆ ಅವರು ಗೌರಿಯೊಂದಿಗೆ ಸಾರ್ವಜನಿಕವಾಗಿ ಕಾಣಿಸಿಕೊಂಡು, ತಮ್ಮ ಸಂಬಂಧವನ್ನು ಎಲ್ಲರ ಮುಂದೆ ದೃಢಪಡಿಸಿದ್ದಾರೆ.
ಇತ್ತೀಚೆಗೆ ಮಕಾವು ನಗರದಲ್ಲಿ ನಡೆದ ಇಂಟರ್ನ್ಯಾಷನಲ್ ಕಾಮಿಡಿ ಫೆಸ್ಟಿವಲ್ ಎಂಬ ವಿಶೇಷ ಕಾರ್ಯಕ್ರಮದಲ್ಲಿ ಆಮೀರ್ ಖಾನ್ ಪಾಲ್ಗೊಂಡರು. ಈ ವೇಳೆ ಅವರಿಗೆ “ಮಾಸ್ಟರ್ ಹ್ಯೂಮರ್” ಎಂಬ ಗೌರವಾನ್ವಿತ ಪ್ರಶಸ್ತಿಯನ್ನು ನೀಡಲಾಯಿತು. ಈ ಕಾರ್ಯಕ್ರಮದಲ್ಲಿ ಗೌರಿ ಸ್ಪ್ರಟ್ ಸಹ ಆಮೀರ್ ಜೊತೆ ಹಾಜರಿದ್ದರು. ಇದೇ ವೇಳೆ ಆಮೀರ್ ಮೊದಲ ಬಾರಿಗೆ ಗೌರಿಯ ಕೈ ಹಿಡಿದು ಸಾರ್ವಜನಿಕವಾಗಿ ತಾವು ಸಂಬಂಧದಲ್ಲಿರುವುದನ್ನು ಎಲ್ಲರಿಗೂ ತಿಳಿಸಿದರು.
ಆಮೀರ್ ಈ ಕಾರ್ಯಕ್ರಮಕ್ಕೆ ಕಪ್ಪು ಕುರ್ತಾ-ಪೈಜಾಮಾ ಧರಿಸಿ, ಅದಕ್ಕೆ ಹೊಂದಿಕೆಯಾಗುವಂತೆ ಗೋಲ್ಡನ್ ಶಾಲ್ ಹಾಕಿಕೊಂಡು ಬಂದಿದ್ದರು. ಅವರ ಲುಕ್ ಭಾರೀ ಶಿಸ್ತಿನಿಂದ ಕೂಡಿತ್ತು. ಇನ್ನೊಂದೆಡೆ ಗೌರಿ ವೈಟ್ ಫ್ಲೋರಲ್ ಸೀರೆ ಉಡುಪಿನಲ್ಲಿ ಆಕರ್ಷಕವಾಗಿ ಕಾಣುತ್ತಿದ್ದರು. ಈ ಜೋಡಿ ಕ್ಯಾಮರಾ ಕಣ್ಣಿಗೆ ಪೋಸ್ ನೀಡಿದರು. ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅತಿಥಿಗಳೊಂದಿಗೆ ಸಂಭಾಷಣೆ ನಡೆಸುತ್ತಾ ಗಮನ ಸೆಳೆದರು.
ಕಾರ್ಯಕ್ರಮದ ವೇಳೆ ಆಮೀರ್ ಮತ್ತು ಗೌರಿ ಚೀನಾದ ಪ್ರಸಿದ್ಧ ನಟ ಶೆನ್ ಟೆಂಗ್ ಮತ್ತು ನಟಿ ಮಾ ಲೀ ಅವರೊಂದಿಗೆ ಸುಖದ ಚರ್ಚೆ ನಡೆಸಿದರು. ಈ ನಾಲ್ವರು ಬಹುಮಾನಿತ ಸ್ನೇಹಿತರು ಎಂಬಂತೇ ಮಾತನಾಡುತ್ತಾ, ಛಾಯಾಗ್ರಾಹಕರಿಗೆ ಒಟ್ಟಿಗೆ ನಗುತ್ತಾ ಪೋಸ್ ನೀಡಿದರು. ಈ ವೇಳೆ ಆಮೀರ್ ಗೌರಿಯನ್ನು ಎಲ್ಲರಿಗೂ ಪರಿಚಯಿಸಿದರು.
ಆಮೀರ್ ಖಾನ್ ಈ ಹಿಂದೆ 2024ರ ಮಾರ್ಚ್ 14ರಂದು ತಮ್ಮ 60ನೇ ಹುಟ್ಟುಹಬ್ಬದ ದಿನ ಗೌರಿಯನ್ನು ಮಾಧ್ಯಮದ ಮುಂದೆ ಪರಿಚಯಿಸಿದ್ದರು. ಅವರು ಹೇಳಿದಂತೆ, ಗೌರಿಯನ್ನು ಅವರು ಸುಮಾರು 25 ವರ್ಷಗಳಿಂದ ಒಬ್ಬರನ್ನೊಬ್ಬರು ತಿಳಿದಿದ್ದಾರೆ. ಕೆಲವೊಂದು ಕಾರಣಗಳಿಂದಾಗಿ ನಡುವಿನ ಸಂಪರ್ಕ ಕಡಿಮೆಯಾಗಿತ್ತು, ಆದರೆ ಒಂದು ವರ್ಷದ ಹಿಂದೆ ಪುನಃ ಅವರು ಸಂಪರ್ಕ ಹೊಂದಿದ್ದು, ಇದೀಗ ಸಂಬಂಧವನ್ನು ಮತ್ತಷ್ಟು ಗಟ್ಟಿಗೊಳಿಸಿದ್ದಾರೆ.
ಗೌರಿ ಸ್ಪ್ರಟ್ ಮೂಲತಃ ಬೆಂಗಳೂರಿನವರಾಗಿದ್ದಾರೆ ಮತ್ತು ಆಮೀರ್ ಖಾನ್ ಅವರ ಪ್ರೊಡಕ್ಷನ್ ಹೌಸ್ನಲ್ಲಿ ಪ್ರಮುಖ ಸ್ಥಾನದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಗೌರಿ ವಿಚ್ಛೇದಿತ ಮಹಿಳೆ ಎಂದು ತಿಳಿದುಬಂದಿದ್ದು, ಮೊದಲ ಮದುವೆಯಿಂದ ಅವಳಿ ಮಕ್ಕಳಿಗೆ ತಾಯಿಯಾಗಿದ್ದಾರೆ.
ಈ ಸಂಬಂಧವನ್ನು ಆಮೀರ್ ಖಾನ್ ಬಹಿರಂಗಗೊಳಿಸಿದ ನಂತರ ಅಭಿಮಾನಿಗಳಿಂದ ಹಾಗೂ ಚಿತ್ರರಂಗದ ಹಲವು ಗಣ್ಯರಿಂದ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ. ಆಮೀರ್ ಅವರ ಹೊಸ ಅಧ್ಯಾಯಕ್ಕೆ ಎಲ್ಲರೂ ಶುಭ ಕೋರಿದ್ದಾರೆ.
ನಿಮ್ಮ ನೆಚ್ಚಿನ ಗ್ಯಾರಂಟಿ ನ್ಯೂಸ್ ಈ ಕೆಳಕಂಡ ಕೇಬಲ್ & ಡಿಟಿಎಚ್ ನೆಟ್ ವರ್ಕ್ ಗಳಲ್ಲಿ ಲಭ್ಯ..
- Tata Play-1665
- U-Digital-ಮೈಸೂರು-160
- Metro Cast Network-ಬೆಂಗಳೂರು-ಬೆಳಗಾವಿ-30-828
- V4 digital network-623
- Abhishek network-817
- Malnad Digital network-45
- JBM network-ರಾಮದುರ್ಗ-54
- Channel net nine-ಧಾರವಾಡ-128
- Basava cable network-ಚಳ್ಳಕೆರೆ-54
- City channel network– ಚಳ್ಳಕೆರೆ-54
- RST digital-ಕಾರ್ಕಳ-101
- Vinayak cable-ಪಟ್ಟನಾಯಕನಹಳ್ಳಿ-54
- Mubarak digital-ಸಂಡೂರು-54
- SB cable-ಸವದತ್ತಿ-54
- Bhosale network-ವಿಜಯಪುರ-54
- Surya digital-ಜಗಳೂರು-54
- Gayatri network-ಸಿಂಧನೂರು-54
- Global vision-ದಾವಣಗೆರೆ-54
- Janani cable-ಮಂಡ್ಯ-54
- Hira cable-ಬೆಳಗಾವಿ-ಹುಬ್ಬಳ್ಳಿ-54
- UDC network-ಹಾರೋಗೇರಿ-54
- Moka cable-ಬಳ್ಳಾರಿ-100
- CAN network-ಚಿಕ್ಕೋಡಿ-54
- KK digital-ಗಂಗಾವತಿ-54
- Victory network-ದಾವಣಗೆರೆ-54