ಕಥೆಯಲ್ಲಿ ಧಮ್, ಪಾತ್ರಗಳಲ್ಲಿ ರಿಧಮ್ ಇದ್ರೆ ಅದ್ರ ಸ್ಯಾಂಪಲ್ ಝಲಕ್ಗಳು ಕೋಟಿ ಕೋಟಿ ವೀವ್ಸ್ ಪಡೆಯುತ್ತವೆ ಅನ್ನೋದಕ್ಕೆ 45 ಸಿನಿಮಾ ಜ್ವಲಂತ ಸಾಕ್ಷಿ ಅಗಿದೆ. ಶಿವಣ್ಣ-ಉಪ್ಪಿ-ರಾಜ್ ಶೆಟ್ಟಿ ಕಾಂಬೋನ 45 ರಿಲೀಸ್ಗೆ ಇನ್ನೊಂದು ವಾರ ಬಾಕಿಯಿದ್ದು, ಯೂಟ್ಯೂಬ್ನಲ್ಲಿ ಸಂಚನಲ ಮೂಡಿಸಿದೆ. ಅಷ್ಟೇ ಅಲ್ಲ, ಕೆನಡಾ ಪೇಯ್ಡ್ ಪ್ರೀಮಿಯರ್ ಶೋ ಟಿಕೆಟ್ಸ್ ಸೋಲ್ಡ್ ಔಟ್ ಆಗೋ ಮೂಲಕ ಹೊಸ ದಾಖಲೆ ಬರೆದಿದೆ.
- ಯೂಟ್ಯೂಬ್ನಲ್ಲಿ 45 ಸೆನ್ಸೇಷನ್.. ತ್ರಿಮೂರ್ತಿ ಮ್ಯಾಜಿಕ್
- ಕನ್ನಡ & ಹಿಂದಿಯಲ್ಲಿ ತಲಾ ಒಂದು ಕೋಟಿ ಪ್ಲಸ್ ವೀವ್ಸ್
- ಶಿವಣ್ಣ-ರಾಜ್-ಉಪ್ಪಿ ಮಾಯಾಲೋಕದಲ್ಲಿದೆ ಲಾಜಿಕ್..!
- ಕೆನಡಾದಲ್ಲಿ 45 ದಾಖಲೆ.. 2ದಿನ ಮೊದಲೇ ಪ್ರೀಮಿಯರ್
ಯೆಸ್.. ಸ್ಯಾಂಡಲ್ವುಡ್ನ ಈ ಜನರೇಷನ್ನ ಬಿಗ್ಗೆಸ್ಟ್ ಮಲ್ಟಿಸ್ಟಾರರ್ 45 ಸಿನಿಮಾ, ಹತ್ತು ಹಲವು ವಿಶೇಷತೆಗಳಿಂದ ಕೂಡಿದ್ದು, ಟಾಕ್ ಆಫ್ ದಿ ಟೌನ್ ಆಗಿದೆ. ಅದಕ್ಕೆ ಕಾರಣ ಆಗಿರೋದು ಇತ್ತೀಚೆಗೆ ಬಿಡುಗಡೆ ಆಗಿರೋ ಟ್ರೈಲರ್ ಝಲಕ್. ಇಲ್ಲಿಯವರೆಗೂ ಚಿತ್ರದ ಬಗ್ಗೆ ಅಷ್ಟಾಗಿ ಮಾಹಿತಿ ಬಿಟ್ಟುಕೊಡದೆ ಇದ್ದಂತಹ ಚಿತ್ರತಂಡ, ಟ್ರೈಲರ್ನಿಂದ ಎಲ್ಲರೂ ಮಾತನಾಡುವಂತೆ ಮಾಡಿದೆ.
ಶಿವರಾಜ್ಕುಮಾರ್, ರಾಜ್ ಬಿ ಶೆಟ್ಟಿ ಹಾಗೂ ಉಪೇಂದ್ರ ಟ್ರಯೋ ಕಾಂಬೋನ 45 ಸಿನಿಮಾದ ಮೂಲಕ ಅರ್ಜುನ್ ಜನ್ಯ ಫಸ್ಟ್ ಟೈಂ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದು, ಮೊದಲ ಚಿತ್ರದಲ್ಲೇ ಎಲ್ಲರ ಹುಬ್ಬೇರಿಸ್ತಿದ್ದಾರೆ. ರಮೇಶ್ ರೆಡ್ಡಿ ಈ ಸಿನಿಮಾನ ಬಹಳ ಪ್ರೀತಿಯಿಂದ ಇಷ್ಟ ಪಟ್ಟು ಕೋಟ್ಯಂತರ ರೂಪಾಯಿ ಹಣ ಸುರಿದು ನಿರ್ಮಿಸಿದ್ದಾರೆ. ಸ್ಟಾರ್ಕಾಸ್ಟ್, ಮೇಕಿಂಗ್, ಸಿಜಿ, ವಿಎಫ್ಎಕ್ಸ್, ಸ್ಪೆಷಲ್ ಎಫೆಕ್ಟ್ಸ್ ಸೇರಿದಂತೆ ಎಲ್ಲಾ ವಿಭಾಗಗಳಲ್ಲಿ ಆ ಪ್ರೊಡಕ್ಷನ್ ಕ್ವಾಲಿಟಿ ಎದ್ದು ಕಾಣ್ತಿದೆ.
ಅಂದಹಾಗೆ ವ್ಹಾವ್ ಫೀಲ್ ತರಿಸುವಂತಹ ಯಾವುದೇ ಕಂಟೆಂಟ್ ಗೆದ್ದೇ ಗೆಲ್ಲುತ್ತೆ. ಸದ್ಯ 45 ಚಿತ್ರದ ಟ್ರೈಲರ್ ಕನ್ನಡದ ಜೊತೆ ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂನಲ್ಲೂ ರಿಲೀಸ್ ಆಗಿದ್ದು, ಕನ್ನಡ ಹಾಗೂ ಹಿಂದಿ ಎರಡರಲ್ಲೂ ತಲಾ ಒಂದು ಕೋಟಿಗೂ ಅಧಿಕ ವೀವ್ಸ್ನಿಂದ ಯೂಟ್ಯೂಬ್ನಲ್ಲಿ ಸಂಚಲನ ಮೂಡಿಸಿದೆ. ಟ್ರೈಲರ್ನ ನೋಡಿಯೇ ಈ ಪಾಟಿ ಫಿದಾ ಆಗಿದ್ದಾರಂದ್ರೆ, ಇನ್ನು ಸಿನಿಮಾ ನೆಕ್ಸ್ಟ್ ಲೆವೆಲ್ಗೆ ಇರಲಿದೆ ಅನ್ನೋದ್ರಲ್ಲಿ ಯಾವುದೇ ಡೌಟ್ ಇಲ್ಲ.
ಇದಕ್ಕೆ ಪೂರಕವಾಗಿ ಕೆನಡಾದಲ್ಲಿ 45 ಚಿತ್ರದ ಪ್ರೀಮಿಯರ್ ಶೋ ಡಿಸೆಂಬರ್ 23ರಂದೇ ನಡೆಯುತ್ತಿದ್ದು, ಎರಡು ದಿನಗಳ ಮೊದಲೇ ಅಲ್ಲಿನ ನಮ್ಮ ಕನ್ನಡಿಗರು ಸಿನಿಮಾನ ಕಣ್ತುಂಬಿಕೊಳ್ಳಲಿದ್ದಾರೆ. ಇಂಟರೆಸ್ಟಿಂಗ್ ಅಂದ್ರೆ ಈ ಸ್ಪೆಷಲ್ ಪ್ರೀಮಿಯರ್ ಶೋನ ಟಿಕೆಟ್ಸ್ ಅಗಲೇ ಸೋಲ್ಡ್ ಔಟ್ ಆಗಿವೆ ಅಂದ್ರೆ ನೀವು ನಂಬಲೇಬೇಕು. ಸಪ್ತ ಸಾಗರದಾಚೆಗೂ 45 ಸಖತ್ ಸೌಂಡ್ ಮಾಡ್ತಿದ್ದು, ರಿಲೀಸ್ ಬಳಿಕ ಅದೇ ನಾಗಾಲೋಟ ಮುಂದುವರೆಸೋ ಲಕ್ಷಣ ತೋರಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್