ಇರಾನ್-ಇಸ್ರೇಲ್‌ ಯುದ್ಧದ ನಡುವೆ ಚಿನ್ನ-ಬೆಳ್ಳಿ ಬೆಲೆ ಏರಿಕೆ? ಇಲ್ಲಿದೆ ಇಂದಿನ ದರ ವಿವರ

ಬೆಂಗಳೂರು: ಸಾಮಾನ್ಯವಾಗಿ ಜಾಗತಿಕ ಉದ್ವಿಗ್ನತೆ ಅಥವಾ ಯುದ್ಧ ಪರಿಸ್ಥಿತಿ ನಿರ್ಮಾಣವಾದಾಗ ಚಿನ್ನದ ಬೆಲೆ ಏರಿಕೆಯಾಗುವುದು ಸಹಜ. ಆದರೆ ಈ ಬಾರಿ ಪರಿಸ್ಥಿತಿ ಸಂಪೂರ್ಣ ಭಿನ್ನವಾಗಿದೆ. ಇರಾನ್ ಮತ್ತು ಅಮೆರಿಕ ನಡುವಿನ ಉದ್ವಿಗ್ನತೆ ಗರಿಷ್ಠ ಮಟ್ಟಕ್ಕೆ ತಲುಪಿದ್ದರೂ, ಚಿನ್ನದ ಬೆಲೆಯಲ್ಲಿ ನಿರೀಕ್ಷಿತ ಏರಿಕೆ ಕಾಣಿಸಿಲ್ಲ. ಬದಲಾಗಿ ಕಳೆದ ಕೆಲವು ದಿನಗಳಿಂದ ಚಿನ್ನ ಹಾಗೂ ಬೆಳ್ಳಿ ಬೆಲೆಗಳು ಕ್ರಮೇಣ ಇಳಿಕೆಯಾಗುತ್ತಿರುವುದು ಮಾರುಕಟ್ಟೆ ತಜ್ಞರಿಗೂ ಅಚ್ಚರಿ ಮೂಡಿಸಿದೆ.

ಇಂದಿನ ಚಿನ್ನದ ಬೆಲೆ ಎಷ್ಟು?

ಮಾರ್ಚ್ 13ರಂದು ಭಾರತದಲ್ಲಿ 10 ಗ್ರಾಂ ಚಿನ್ನದ ಬೆಲೆ ಸುಮಾರು ₹1,62,210 ಮಟ್ಟದಲ್ಲಿ ವ್ಯವಹಾರವಾಗುತ್ತಿದೆ. ಬೆಳ್ಳಿ ಬೆಲೆ ಕೂಡ ಕಡಿಮೆಯಾಗಿ ಕಿಲೋಗ್ರಾಂಗೆ ಸುಮಾರು ₹2,79,900 ಮಟ್ಟದಲ್ಲಿ ದಾಖಲಾಗಿದೆ. ಮಧ್ಯಪೂರ್ವ ಪ್ರದೇಶದಲ್ಲಿ ಯುದ್ಧ ಭೀತಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆ ಸುಮಾರು 100 ಡಾಲರ್ ಮಟ್ಟದಲ್ಲಿ ವ್ಯವಹಾರವಾಗುತ್ತಿದೆ. 

ಪ್ರಮುಖ ನಗರಗಳಲ್ಲಿ ಚಿನ್ಹದ ಬೆಲೆ ವಿವರ

ಚೆನ್ನೈ ನಗರದಲ್ಲಿ ಮಾತ್ರ ಚಿನ್ನದ ಬೆಲೆ ಸ್ವಲ್ಪ ಹೆಚ್ಚಿದ್ದು, 24 ಕ್ಯಾರೆಟ್ 10 ಗ್ರಾಂ ಚಿನ್ನ ಸುಮಾರು ₹1,63,300ಕ್ಕೆ ಮಾರಾಟವಾಗುತ್ತಿದೆ.

ಬೆಳ್ಳಿ ಬೆಲೆ ವಿವರ

ಬೆಳ್ಳಿ ಬೆಲೆಯಲ್ಲೂ ಇತ್ತೀಚಿನ ದಿನಗಳಲ್ಲಿ ಇಳಿಕೆ ಕಂಡುಬಂದಿದೆ. ಹೈದರಾಬಾದ್ನಲ್ಲಿ ಒಂದು ಕಿಲೋಗ್ರಾಂ ಬೆಳ್ಳಿ ಬೆಲೆ ಸುಮಾರು ₹2,89,900 ಆಗಿದ್ದು, ಇತರ ಪ್ರಮುಖ ನಗರಗಳಲ್ಲಿ ಬೆಳ್ಳಿ ಬೆಲೆ ಸುಮಾರು ₹2,79,900 ಮಟ್ಟದಲ್ಲಿ ವ್ಯವಹಾರವಾಗುತ್ತಿದೆ.

ಏಕೆ ಇಳಿಕೆಯಾಯಿತು ಚಿನ್ನದ ಬೆಲೆ?

ಮಾರುಕಟ್ಟೆ ತಜ್ಞರ ಪ್ರಕಾರ, ಸಾಮಾನ್ಯವಾಗಿ ಜಾಗತಿಕ ಬಿಕ್ಕಟ್ಟಿನ ಸಮಯದಲ್ಲಿ ಹೂಡಿಕೆದಾರರು ಸುರಕ್ಷಿತ ಹೂಡಿಕೆ ಎಂದು ಚಿನ್ನದ ಕಡೆಗೆ ಮುಖ ಮಾಡುತ್ತಾರೆ. ಆದರೆ ಈ ಬಾರಿ ಅಮೆರಿಕದ ಡಾಲರ್ ಸೂಚ್ಯಂಕ ಬಲಗೊಂಡಿರುವುದು ಮತ್ತು ಇತರ ಹೂಡಿಕೆ ಆಯ್ಕೆಗಳು ಲಾಭದಾಯಕವಾಗಿರುವುದರಿಂದ ಚಿನ್ನದತ್ತ ಹೂಡಿಕೆದಾರರ ಒಲವು ಕಡಿಮೆಯಾಗಿದೆ. ಜೊತೆಗೆ, ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನದ ಬೇಡಿಕೆ ಕುಸಿದಿರುವುದೂ ಬೆಲೆ ಇಳಿಕೆಗೆ ಕಾರಣವಾಗಿದೆ.

ಜಾಗತಿಕ ಉದ್ವಿಗ್ನತೆ ಮುಂದುವರಿದರೂ, ಚಿನ್ನದ ಬೆಲೆ ಏರಿಕೆಯಾಗಬಹುದೇ ಅಥವಾ ಇನ್ನಷ್ಟು ಇಳಿಕೆಯಾಗಬಹುದೇ ಎಂಬುದು ಮಾರುಕಟ್ಟೆಯ ಚರ್ಚೆಯ ವಿಷಯವಾಗಿದೆ. ಅಮೆರಿಕದ ಹಣಕಾಸು ನೀತಿ, ಡಾಲರ್ ಬೆಲೆ, ಮತ್ತು ಜಾಗತಿಕ ಬೇಡಿಕೆ ಚಿನ್ನದ ಬೆಲೆ ನಿರ್ಧರಿಸುವಲ್ಲಿ ಪ್ರಮುಖ ಪಾತ್ರ ವಹಿಸಲಿವೆ. ಚಿನ್ನಾಭರಣ ಖರೀದಿಸಲು ಇದು ಸೂಕ್ತ ಸಮಯವೇ ಎಂಬುದನ್ನು ನಿರ್ಧರಿಸುವ ಮೊದಲು ಮಾರುಕಟ್ಟೆಯ ಏರಿಳಿತಗಳನ್ನು ಗಮನಿಸುವುದು ಉತ್ತಮ.