ನವದೆಹಲಿ: ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್‌ಐಎಲ್) ಅಧ್ಯಕ್ಷ ಮುಖೇಶ್ ಅಂಬಾನಿ ಅವರು ತಮ್ಮ ಟೆಲಿಕಾಂ ವಿಭಾಗವಾದ ಜಿಯೋ ಇನ್ಫೋಕಾಂ ಲಿಮಿಟೆಡ್‌ನ ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) 2026ರ ಮೊದಲಾರ್ಧದಲ್ಲಿ ಪ್ರಾರಂಭವಾಗಲಿದೆ ಎಂದು ಘೋಷಿಸಿದ್ದಾರೆ.
ರಿಲಯನ್ಸ್‌ನ 48ನೇ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ (ಎಜಿಎಂ) ಘೋಷಣೆ ಮಾಡಲಾಗಿದೆ. ಈ ಐಪಿಒಗೆ ಅಗತ್ಯವಿರುವ ಎಲ್ಲಾ ನಿಯಂತ್ರಕ ಅನುಮೋದನೆಗಳಿಗೆ ಒಳಪಟ್ಟಿರುತ್ತದೆ ಎಂದು ಅಂಬಾನಿ ತಿಳಿಸಿದ್ದಾರೆ.
ಉಚಿತ ಧ್ವನಿ ಕರೆಗಳು, ಕೈಗೆಟುಕುವ ಡೇಟಾ ಸೇವೆಗಳು ಮತ್ತು ಯುಪಿಐ ಪಾವತಿಗಳ ಬೆಂಬಲದೊಂದಿಗೆ ಜಿಯೋ ಭಾರತದ ಡಿಜಿಟಲ್ ಕ್ರಾಂತಿಯನ್ನು ಮುನ್ನಡೆಸಿದೆ. 2024-25ರ ಆರ್ಥಿಕ ವರ್ಷದಲ್ಲಿ ಜಿಯೋ ಒಟ್ಟು ₹1,28,218 ಕೋಟಿ ಆದಾಯವನ್ನು ಗಳಿಸಿದ್ದು, 17%ನಷ್ಟು ವಾರ್ಷಿಕ ಬೆಳವಣಿಗೆಯನ್ನು ದಾಖಲಿಸಿದೆ, ಜೊತೆಗೆ ₹64,170 ಕೋಟಿ ಇಬಿಐಟಿಡಿಎಯನ್ನು ವರದಿಮಾಡಿದೆ.