ಬಂಗಾರ ಖರೀದಿಗೆ ಸೂಕ್ತ ಸಮಯವೇ? ಇಲ್ಲಿದೆ ಚಿನ್ನ-ಬೆಳ್ಳಿ ದರ ವಿವರ

ಬೆಂಗಳೂರು, ಮಾರ್ಚ್ 18: ಅಕ್ಷಯ ತೃತೀಯಕ್ಕೂ ಮುನ್ನವೇ ಬಂಗಾರ ಮಾಡಿಸೋಣ ಅಂತ ದುಡ್ಡು ಹೊಂದಿಸಿ ಇಟ್ಟುಕೊಂಡಿದ್ದೀರಾ? ಹಾಗಾದರೆ ನೀವು ಜುವೆಲ್ಲರಿ ಶಾಪ್‌ಗೆ ಹೋಗುವ ಮುನ್ನ ಈ ಮಾಹಿತಿ ತಿಳಿದುಕೊಳ್ಳಲೇಬೇಕು. ಇಂದಿನಿಂದ ‘ಚೈತ್ರ ಅಮಾವಾಸ್ಯೆ’ (Chaitra Amavasya 2026) ಶುರುವಾಗುತ್ತಿದ್ದು, ಇದರ ಬೆನ್ನಲ್ಲೇ ಮದುವೆ ಸೀಸನ್ (Marriage Season) ಕಳೆಗಟ್ಟಲಿದೆ. ಮಾರುಕಟ್ಟೆಯಲ್ಲಿ ಚಿನ್ನಕ್ಕೆ ಭಾರಿ ಬೇಡಿಕೆ ಸೃಷ್ಟಿಯಾಗುತ್ತಿದ್ದು, ಪ್ರತಿದಿನ ಚಿನ್ನದ ಬೆಲೆ ಏರಿಳಿತ ಕಾಣುತ್ತಿದೆ.

ಚಿನ್ನ ಖರೀದಿಸಲು ಇದು ಗುಡ್ ಟೈಮಾ?

ಕಳೆದ ಒಂದು ವಾರದಿಂದ ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆ ಕಂಡುಬಂದಿದೆ. ಮಾರ್ಚ್ ಆರಂಭದಲ್ಲಿ 22 ಕ್ಯಾರೆಟ್ ಚಿನ್ನದ ಬೆಲೆ ₹15,865 ಇತ್ತು, ಈಗ ಅದು ₹14,491 ಕ್ಕೆ ಇಳಿದಿದೆ. ಮದುವೆ ಸೀಸನ್ ಎಫೆಕ್ಟ್‌ನಿಂದಾಗಿ ಮುಂದಿನ ದಿನಗಳಲ್ಲಿ ಬೆಲೆ ಮತ್ತೆ ಗಗನಕ್ಕೇರುವ ಸಾಧ್ಯತೆಗಳಿವೆ. ಹೀಗಾಗಿ, ಈಗಿನ ಇಳಿಕೆಯ ಲಾಭ ಪಡೆದುಕೊಂಡು ಬಂಗಾರ ಖರೀದಿಸುವುದು ಜಾಣತನ ಎಂದು ಮಾರುಕಟ್ಟೆ ತಜ್ಞರು ಸಲಹೆ ನೀಡುತ್ತಾರೆ.

ಇಂದಿನ ಚಿನ್ನದ ಬೆಲೆ (ಮಾರ್ಚ್ 18, 2026)

ಬೆಳಿಗ್ಗೆ 7:00 ಗಂಟೆಗೆ ನವೀಕರಿಸಲಾದ ಮಾಹಿತಿಯ ಪ್ರಕಾರ, ಬೆಂಗಳೂರಿನಲ್ಲಿ ಚಿನ್ನ ಮತ್ತು ಬೆಳ್ಳಿಯ ಬೆಲೆ ಈ ಕೆಳಗಿನಂತಿದೆ.