ಪ್ರತಿದಿನದಂತೆ ಇಂದು ಫೆಬ್ರವರಿ 3, 2026, ಸರ್ಕಾರಿ ಸ್ವಾಮ್ಯದ ತೈಲ ಕಂಪನಿಗಳು ದೇಶಾದ್ಯಂತ ಪೆಟ್ರೋಲ್ ಮತ್ತು ಡೀಸೆಲ್ ದರಗಳನ್ನು ಬೆಳಿಗ್ಗೆ 6 ಗಂಟೆಗೆ ಬಿಡುಗಡೆ ಮಾಡಿವೆ. ಭಾರತದಲ್ಲಿ ಇಂಧನ ಬೆಲೆಗಳನ್ನು ದಿನನಿತ್ಯ ಪರಿಷ್ಕರಿಸುವ ವ್ಯವಸ್ಥೆ ಜಾರಿಯಲ್ಲಿದ್ದು, ಈ ದರಗಳು ಹಲವು ಅಂತರರಾಷ್ಟ್ರೀಯ ಮತ್ತು ದೇಶೀಯ ಅಂಶಗಳ ಮೇಲೆ ಅವಲಂಬಿತವಾಗಿರುತ್ತವೆ.
ಕೇಂದ್ರ ಸರ್ಕಾರವು ಫೆಬ್ರವರಿ 1ರಂದು ವಾರ್ಷಿಕ ಬಜೆಟ್ ಮಂಡಿಸಿರುವ ಹಿನ್ನಲೆಯಲ್ಲಿ, ಇಂಧನ ದರಗಳಲ್ಲಿ ಯಾವುದೇ ಬದಲಾವಣೆ ಇದೆಯೇ ಎಂಬ ಕುತೂಹಲ ಸಾರ್ವಜನಿಕರಲ್ಲಿ ಹೆಚ್ಚಾಗಿದೆ. ಸಾಮಾನ್ಯವಾಗಿ ಬಜೆಟ್ಗೆ ಮುನ್ನ ಅಥವಾ ನಂತರ ಪೆಟ್ರೋಲ್ ಮತ್ತು ಡೀಸೆಲ್ ದರಗಳಲ್ಲಿ ಏರಿಳಿತ ಕಂಡುಬರುವ ಸಾಧ್ಯತೆ ಇರುತ್ತದೆ. ಹಾಗಾದರೆ ಇಂದು ಇಂಧನ ಅಗ್ಗವಾಗಿದೆಯೇ ಅಥವಾ ದುಬಾರಿಯಾಗಿದೆಯೇ ಎಂಬ ಪ್ರಶ್ನೆಗೆ ಉತ್ತರ ಹುಡುಕೋಣ.
ಪ್ರಮುಖ ನಗರಗಳ ಪೆಟ್ರೋಲ್-ಡೀಸೆಲ್ ದರಗಳು (ಫೆಬ್ರವರಿ 3)
| ನಗರ | ಪೆಟ್ರೋಲ್ (₹) | ಡೀಸೆಲ್ (₹) |
|---|---|---|
| ನವದೆಹಲಿ | 94.77 | 87.67 |
| ಕೋಲ್ಕತ್ತಾ | 105.41 | 92.02 |
| ಮುಂಬೈ | 103.54 | 90.03 |
| ಚೆನ್ನೈ | 101.06 | 92.61 |
| ಗುರಗಾಂವ್ | 95.65 | 88.10 |
| ನೋಯ್ಡಾ | 94.88 | 87.98 |
| ಬೆಂಗಳೂರು | 102.92 | 90.99 |
| ಭುವನೇಶ್ವರ | 100.93 | 92.51 |
| ಚಂಡೀಗಢ | 94.30 | 82.45 |
| ಹೈದರಾಬಾದ್ | 107.50 | 95.70 |
| ಜೈಪುರ | 104.72 | 90.21 |
ಇಂದು ಬಿಡುಗಡೆಗೊಂಡ ದರಗಳನ್ನು ಗಮನಿಸಿದರೆ, ಪ್ರಮುಖ ನಗರಗಳಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ದರಗಳಲ್ಲಿ ಯಾವುದೇ ಪ್ರಮುಖ ಬದಲಾವಣೆ ಕಂಡುಬಂದಿಲ್ಲ. ಬಹುತೇಕ ನಗರಗಳಲ್ಲಿ ದರಗಳು ಸ್ಥಿರವಾಗಿಯೇ ಮುಂದುವರಿದಿವೆ.
ಬಜೆಟ್ ನಂತರ ಇಂಧನ ದರ ಏರಿಕೆ ಸಾಧ್ಯತೆಯಿದೆಯೇ?
ಈ ಬಜೆಟ್ನಲ್ಲಿ ಇಂಧನ ಮೇಲಿನ ತೆರಿಗೆಗಳಲ್ಲಿ ಯಾವುದೇ ದೊಡ್ಡ ಬದಲಾವಣೆ ಇಲ್ಲ. ಆದರೆ ಜಾಗತಿಕ ಮಾರುಕಟ್ಟೆಯ ಸ್ಥಿತಿಗತಿಯನ್ನಾಧರಿಸಿ ಮುಂದಿನ ದಿನಗಳಲ್ಲಿ ತೈಲ ಕಂಪನಿಗಳು ದರ ಪರಿಷ್ಕರಣೆ ಮಾಡುವ ಸಾಧ್ಯತೆಯನ್ನು ತಳ್ಳಿಹಾಕಲು ಸಾಧ್ಯವಿಲ್ಲ.
ಈ ಬೆಲೆಯೂ ಗ್ರಾಹಕರಿಗೆ ಸ್ವಲ್ಪ ಮಟ್ಟಿನ ನೆಮ್ಮದಿ ಸಿಕ್ಕಿದ್ದು, ಇಂದು ಪೆಟ್ರೋಲ್ ಮತ್ತು ಡೀಸೆಲ್ ದರಗಳು ಸ್ಥಿರವಾಗಿವೆ. ಆದರೆ ಮುಂದಿನ ದಿನಗಳಲ್ಲಿ ಕಚ್ಚಾ ತೈಲ ಬೆಲೆ ಏರಿಕೆ ಮುಂದುವರಿದರೆ, ಇಂಧನ ದುಬಾರಿಯಾಗುವ ಸಾಧ್ಯತೆ ಇದೆ ಎಂದು ತಜ್ಞರು ಎಚ್ಚರಿಕೆ ನೀಡುತ್ತಿದ್ದಾರೆ.