ಬಿಗ್ ಬಾಸ್‌ ಮನೆ ಬೀಗ ತೆಗೆಯುತ್ತಿದ್ದಂತೆ ಹೊಸ ಪ್ರೋಮೋ ರಿಲೀಸ್..ಅಸಲಿ ಆಟ ಶುರು

Untitled design 2025 10 09t085236.873

ಜನಪ್ರಿಯ ರಿಯಾಲಿಟಿ ಶೋ ‘ಬಿಗ್ ಬಾಸ್ ಕನ್ನಡ’ ತನ್ನ 12ನೇ ಆವೃತ್ತಿಯೊಂದಿಗೆ ಮತ್ತೆ ಮನರಂಜನೆಯ ಜಗತ್ತಿಗೆ ಮರಳಿದೆ. ಎರಡು ದಿನಗಳ ಕಾಲ ಬಂದ್ ಆಗಿದ್ದ ಈ ಶೋ ಈಗ ಭರ್ಜರಿಯಾಗಿ ಪುನಾರಂಭಗೊಂಡಿದ್ದು, ಕಲರ್ಸ್ ಕನ್ನಡ ವಾಹಿನಿಯು ಹೊಸ ಪ್ರೋಮೋವೊಂದನ್ನು ಬಿಡುಗಡೆ ಮಾಡಿದೆ.

“BBK12 is here to stay | ಎಂದಿನಂತೆ ಅದೇ ಸಮಯದಲ್ಲಿ” ಎಂಬ ಘೋಷಣೆಯೊಂದಿಗೆ ಈ ಪ್ರೋಮೋ ಎಲ್ಲರ ಗಮನ ಸೆಳೆದಿದೆ. ರಾಮನಗರದ ಬಿಡದಿ ಕೈಗಾರಿಕಾ ಪ್ರದೇಶದಲ್ಲಿರುವ ಜಾಲಿವುಡ್ ಸ್ಟುಡಿಯೋದಲ್ಲಿ ಈ ಶೋನ ಚಿತ್ರೀಕರಣ ನಡೆಯುತ್ತಿದ್ದು, ಇದೀಗ ಮನೆಯ ಗೇಟ್‌ಗೆ ಹಾಕಿದ್ದ ಬೀಗವನ್ನು ತೆಗೆದು ಸ್ಪರ್ಧಿಗಳಿಗೆ ಎಂಟ್ರಿ ನೀಡಲಾಗಿದೆ.

ಮಧ್ಯರಾತ್ರಿ 2:42ಕ್ಕೆ ಜಾಲಿವುಡ್ ಸ್ಟುಡಿಯೋದ ಸಿ ಗೇಟ್‌ನ ಬೀಗವನ್ನು ತೆಗೆಯಲಾಗಿದೆ. ಡಿಸಿಎಂ ಡಿ.ಕೆ. ಶಿವಕುಮಾರ್ ಅವರ ಸೂಚನೆಯಂತೆ ಈ ಕಾರ್ಯ ನಡೆದಿದ್ದು, ಬೆಂಗಳೂರು ದಕ್ಷಿಣ ಡಿಸಿ ಯಶವಂತ ಗುರುಕರ್ ಈ ವಿಷಯವನ್ನು ದೃಢಪಡಿಸಿದ್ದಾರೆ. ಎರಡು ದಿನಗಳಿಂದ ಬಂದ್ ಆಗಿದ್ದ ಶೋಗೆ ಸಂಬಂಧಿಸಿದ ಕೆಲಸಗಳು ಈಗ ಮತ್ತೆ ಚುರುಕುಗೊಂಡಿವೆ.

 ಜಾಲಿವುಡ್ ಸ್ಟುಡಿಯೋದಲ್ಲಿ ಚಿತ್ರೀಕರಣಕ್ಕೆ ಸಂಬಂಧಿಸಿದ ಎಲ್ಲ ಸಿದ್ಧತೆಗಳು ಪೂರ್ಣಗೊಂಡಿವೆ. ಬಿಗ್ ಬಾಸ್ ಮನೆಯ ವಿನ್ಯಾಸ, ಒಳಾಂಗಣ ಸೌಕರ್ಯಗಳು, ಮತ್ತು ಟಾಸ್ಕ್‌ಗೆ ಸಂಬಂಧಿಸಿದ ಸೆಟ್‌ಅಪ್‌ಗಳು ಈಗಾಗಲೇ ಸ್ಪರ್ಧಿಗಳಿಗೆ ರೋಮಾಂಚಕ ಅನುಭವವನ್ನು ನೀಡಲು ಸಜ್ಜಾಗಿವೆ. ಈ ಸೀಸನ್‌ನಲ್ಲಿ ಯಾವ ರೀತಿಯ ಟ್ವಿಸ್ಟ್‌ಗಳು, ಯಾವ ಸ್ಪರ್ಧಿಗಳು ಗಮನ ಸೆಳೆಯಲಿದ್ದಾರೆ ಎಂಬುದು ಕಾದುನೋಡಬೇಕಿದೆ.

Exit mobile version