ಬಿಗ್ ಬಾಸ್ ಕನ್ನಡ ಸೀಸನ್ 12 ಆರಂಭವಾದ ದಿನದಿಂದಲೂ ಗಿಲ್ಲಿ ನಟ ಮತ್ತು ಅಶ್ವಿನಿ ಗೌಡ ನಡುವಿನ ವೈಮನಸ್ಸು ಮನೆಮಾತಾಗಿದೆ. ಹಾವು–ಮುಂಗುಸಿಯಂತೆ ಒಬ್ಬರನ್ನೊಬ್ಬರು ಎದುರಿಸುತ್ತಲೇ ಬಂದಿರುವ ಈ ಜೋಡಿ, ಇದೀಗ ನಾಮಿನೇಶನ್ ಪ್ರಕ್ರಿಯೆಯಲ್ಲಿ ಭಾರೀ ಕಿತ್ತಾಟಕ್ಕೆ ಕಾರಣರಾಗಿದ್ದಾರೆ. ಪದಗಳ ಗುದ್ದಾಟ, ವೈಯಕ್ತಿಕ ಆರೋಪಗಳು ಮತ್ತು ತೀವ್ರ ಕೌಂಟರ್ಗಳಿಂದ ಇಡೀ ಮನೆ ವಾತಾವರಣವೇ ಬದಲಾಗಿತ್ತು…
ನಾಮಿನೇಶನ್ ವೇಳೆ ಮಾತನಾಡಿದ ಅಶ್ವಿನಿ ಗೌಡ, ಗಿಲ್ಲಿ ನಟನನ್ನು ನೇರವಾಗಿ ಟಾರ್ಗೆಟ್ ಮಾಡಿದರು. “ನಿನ್ನ ಟೈಮ್ ಸ್ಟಾರ್ಟ್ ಆಗಿದೆ” ಎಂದು ಎಚ್ಚರಿಕೆ ನೀಡಿದ ಅಶ್ವಿನಿ, ಗಿಲ್ಲಿಯನ್ನು ನಾಮಿನೇಟ್ ಮಾಡುವುದಕ್ಕೆ ಕಾರಣಗಳನ್ನೂ ಬಹಿರಂಗಪಡಿಸಿದರು. “ಸ್ವಯಂ ಘೋಷಿತ ವಿನ್ನರ್ ಅಂತ ತೋರಿಸಿಕೊಳ್ಳುವ ಗಿಲ್ಲಿ ತುಂಬಾ ವೇಸ್ಟ್. ಅವನು ಕೊಚ್ಚೆ. ಟಾಯ್ಲೆಟ್ಗೆ ಹೋದ ಮೇಲೆ ನೀರು ಹಾಕಲ್ಲ, ಶೇವ್ ಮಾಡಲ್ಲ, ತಟ್ಟೆ ತೊಳೆಯಲ್ಲ” ಎಂದು ಅಶ್ವಿನಿ ಗಂಭೀರ ಆರೋಪ ಮಾಡಿದರು.
“ನಾನು ನಿನ್ನ ತಾಯಿ ಥರ ಇದ್ದೀನಿ, ಅದಕ್ಕಾಗಿ ಹೇಳ್ತೀನಿ. ನೀನು ಮಾತನಾಡುವ ಮಾತುಗಳು ನಿನ್ನ ವ್ಯಕ್ತಿತ್ವವನ್ನೇ ತೋರಿಸುತ್ತವೆ” ಎಂದು ಗಿಲ್ಲಿಯ ವ್ಯಕ್ತಿತ್ವದ ಮೇಲೆಯೂ ಪ್ರಶ್ನೆ ಎತ್ತಿದರು. ಅಶ್ವಿನಿಯ ಈ ಹೇಳಿಕೆಗಳು ಸಾಮಾಜಿಕ ಜಾಲತಾಣಗಳಲ್ಲೂ ಭಾರೀ ವೈರಲ್ ಆಗಿದೆ…
ಆದರೆ ಗಿಲ್ಲಿ ನಟ ಈ ಎಲ್ಲ ಆರೋಪಗಳನ್ನು ಸುಮ್ಮನೆ ಬಿಡಲಿಲ್ಲ. ಶಾಂತವಾಗಿದ್ದರೂ ಕೌಂಟರ್ ನೀಡಿದ ಗಿಲ್ಲಿ, “ಅಧಿಕಾರ ಸಿಕ್ಕಾಗ ದುರುಪಯೋಗ ಮಾಡಿಕೊಳ್ಳಬಾರದು. ಅಹಂಕಾರ ತೋರಿಸಬಾರದು. ನಿನ್ನ ಅಹಂಕಾರವನ್ನು ಇಡೀ ಮನೆ ನೋಡಿದೆ” ಎಂದು ಅಶ್ವಿನಿಯನ್ನು ತರಾಟೆಗೆ ತೆಗೆದುಕೊಂಡರು. “ಹೋದ ವಾರ ನಿನ್ನ ಟೈಂ, ಈ ವಾರ ನನ್ನ ಟೈಂ ಅಂತ ಹೇಳಿಕೊಂಡಿದ್ದೀಯಾ. ಒಂದೇ ವಾರದಲ್ಲಿ ಇಷ್ಟು ಬದಲಾವಣೆ ಆಗುತ್ತದೆ ಅಂತ ಗೊತ್ತಿರಲಿಲ್ಲ” ಎಂದು ಗಿಲ್ಲಿ ವ್ಯಂಗ್ಯವಾಡಿದರು.
“ನೀನು ಕ್ಯಾಪ್ಟನ್ ಆಗಿಲ್ಲ, ರೂಮ್ ಒಳಗೂ ಹೋಗಿಲ್ಲ. ಕ್ಯಾಪ್ಟನ್ ಆಗುವ ಯೋಗ್ಯತೆ ನಿನಗೆ ಇದೆಯಾ?” ಎಂದು ಪ್ರಶ್ನೆ ಹಾಕಿದರು. ಗಿಲ್ಲಿಯ ಈ ಮಾತುಗಳು ಅಶ್ವಿನಿಗೆ ಮತ್ತಷ್ಟು ಕೋಪ ತರಿಸಿದವು.
ಇದೇ ವೇಳೆ, ಅಶ್ವಿನಿ ವಿರುದ್ಧ ಗಿಲ್ಲಿ ಮತ್ತೊಂದು ಗಂಭೀರ ಆರೋಪವನ್ನೂ ಹೊರಿಸಿದರು. ಇತ್ತೀಚೆಗೆ ರಾಶಿಕಾ ಶೆಟ್ಟಿ ಬಗ್ಗೆ ಮಾತನಾಡುವಾಗ ಅಶ್ವಿನಿ, “ರಾಶಿಕಾಗೆ ಮಲಗೋಕೆ ರಘು ತೊಡೆ ಬೇಕು” ಎಂಬ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆಂದು ಗಿಲ್ಲಿ ಉಲ್ಲೇಖಿಸಿ, ಅದನ್ನು ತೀವ್ರವಾಗಿ ಖಂಡಿಸಿದರು. ಮಹಿಳೆಯರ ಬಗ್ಗೆ ಈ ರೀತಿ ಮಾತನಾಡುವುದು ಸರಿಯಲ್ಲ ಎಂದು ಗಿಲ್ಲಿ ತಿಳಿಸಿದರು…
ನಾಮಿನೇಶನ್ ವೇಳೆ ಕಾವ್ಯ ಶೈವ ಕೂಡ ಅಶ್ವಿನಿಯನ್ನು ಟಾರ್ಗೆಟ್ ಮಾಡಿದರು. “ಬಿಗ್ ಬಾಸ್ ಒಂದು ವ್ಯಕ್ತಿತ್ವದ ಆಟ. ಹೊರಗಡೆ ಹೆಣ್ಣಿನ ಪರ ಹೋರಾಟ ಮಾಡಿರಬಹುದು. ಆದರೆ ಮನೆಯೊಳಗೆ ಮಹಿಳೆಯರ ಬಗ್ಗೆ ಕೆಟ್ಟ ಮಾತುಗಳನ್ನು ನಾವು ನೋಡ್ತಾ ಇದ್ದೇವೆ. ಅಶ್ವಿನಿ 2.0 ಅನ್ನೋದು ನಾಟಕ. ಇಲ್ಲಿ ಅವರು ಡ್ರಾಮ ಮಾಡ್ತಾ ಇದ್ದಾರೆ” ಎಂದು ಕಾವ್ಯ ಅಸಮಾಧಾನ ವ್ಯಕ್ತಪಡಿಸಿದರು.
ಈ ವಾರದ ನಾಮಿನೇಶನ್ ಪಟ್ಟಿಯಲ್ಲಿ ರಾಶಿಕಾ ಶೆಟ್ಟಿ, ಅಶ್ವಿನಿ ಗೌಡ, ಗಿಲ್ಲಿ ನಟ, ಕಾವ್ಯ ಶೈವ, ಧನುಷ್, ರಕ್ಷಿತಾ ಶೆಟ್ಟಿ ಮತ್ತು ರಘು ಸೇರಿದ್ದಾರೆ. ಫಿನಾಲೆ ಟಿಕೆಟ್ಗಾಗಿ ನಡೆಯಲಿರುವ ಮುಂದಿನ ಟಾಸ್ಕ್ಗಳಲ್ಲಿ ಯಾರು ಮುನ್ನಡೆಯುತ್ತಾರೆ ಎಂಬುದೇ ಈಗ ದೊಡ್ಡ ಪ್ರಶ್ನೆ.
ಮೊದಲ ಫಿನಾಲೆ ಟಿಕೆಟ್ ಪಡೆಯುವ ಟಾಸ್ಕ್ನಿಂದ ಗಿಲ್ಲಿ ಔಟ್ ಆಗ್ತಾರಾ? ಅಥವಾ ಎಲ್ಲರ ನಿರೀಕ್ಷೆ ತಿರುಗಿಸಿ ಮತ್ತೆ ಆಟ ಹಿಡಿತಕ್ಕೆ ತೆಗೆದುಕೊಳ್ಳುತ್ತಾರಾ? ಎಂಬುದಕ್ಕೆ ಉತ್ತರ ಇಂದಿನ ಸಂಚಿಕೆಯಲ್ಲಿ ಸಿಗಲಿದೆ.