ಬಿಗ್ ಬಾಸ್ ಕನ್ನಡ ಸೀಸನ್ 12ನಲ್ಲಿ ಅಶ್ವಿನಿ ಗೌಡ ಅವರ ಛಲ ಮತ್ತೆ ಸಾಬೀತಾಗಿದೆ. ಟಿಕೆಟ್ ಟು ಫಿನಾಲೆಗೆ ಅರ್ಹತೆ ಪಡೆಯುವ ಟಾಸ್ಕ್ನಲ್ಲಿ ರಘು ಮತ್ತು ರಾಶಿಕಾ ವಿರುದ್ಧ ಧ್ರುವಂತ್ ಜೊತೆಗೂಡಿ ಸ್ಪರ್ಧಿಸಿದ ಅಶ್ವಿನಿ, ಪಣ ತೊಟ್ಟು ಹಠ ಹಿಡಿದು ಗೆಲುವು ಸಾಧಿಸಿದ್ದಾರೆ. ಈ ಆಟಕ್ಕೆ ರಘು ಮತ್ತು ರಕ್ಷಿತಾ ಶೆಟ್ಟಿ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಟಾಸ್ಕ್ ನಿಯಮದಂತೆ ಒಂದು ಕಂಬವನ್ನು ಹಿಡಿದು ನಿಲ್ಲಬೇಕು, ಎದುರಾಳಿಗಳು ಡೈವರ್ಟ್ ಮಾಡಿ ಕಂಬ ಬಿಡಿಸಬೇಕು. ಯಾರು ಹೆಚ್ಚು ಸಮಯ ಕಂಬ ಹಿಡಿದು ನಿಲ್ಲುತ್ತಾರೋ ಅವರೇ ವಿಜೇತರು. ರಾಶಿಕಾ ಮತ್ತು ರಘು ಕಂಬ ಹಿಡಿದಾಗ ಅಶ್ವಿನಿ ಮತ್ತು ಧ್ರುವಂತ್ ಡೈವರ್ಟ್ ಮಾಡಬೇಕಿತ್ತು.
ಅಶ್ವಿನಿ ಮತ್ತು ಧ್ರುವಂತ್ ಮನೆಯಲ್ಲಿದ್ದ ಅಡುಗೆ ಎಣ್ಣೆ, ಲೋಷನ್ಗಳನ್ನು ನೀರಿನಲ್ಲಿ ಮಿಕ್ಸ್ ಮಾಡಿ ರಾಶಿಕಾ-ರಘು ಮುಖಕ್ಕೆ ಎರಚಿದರು. ಆದರೂ ರಘು ಮತ್ತು ರಾಶಿಕಾ ಫೋರ್ಸ್ನಲ್ಲಿ ನೀರು ಎರಚಿದರೂ ಅಶ್ವಿನಿ ಒಂದಾದ ಮೇಲೊಂದು ಬಟ್ಟೆ ಹಾಕಿಕೊಂಡು ಹಠ ಹಿಡಿದು ನಿಂತರು. ರಘುಗಿಂತ ಹೆಚ್ಚು ಸಮಯ ಕಂಬ ಹಿಡಿದು ನಿಂತ ಅಶ್ವಿನಿ ಠಕ್ಕರ್ ಕೊಟ್ಟು ಗೆಲುವು ಸಾಧಿಸಿದರು.
ಕೊನೆಗೆ ರಘು ಸ್ವತಃ ಅಶ್ವಿನಿ ಅವರ ಆಟವನ್ನು ಮೆಚ್ಚಿಕೊಂಡರು. ರಕ್ಷಿತಾ ಶೆಟ್ಟಿ “ಹುಡುಗಿಯಾಗಿ ಈ ರೀತಿ ಆಟ ಆಡಿದ್ದಕ್ಕೆ ನನ್ನ ಸೆಲ್ಯೂಟ್” ಎಂದು ಹೇಳಿದರು. ಫಿಸಿಕಲ್ ಟಾಸ್ಕ್, ಡ್ಯಾನ್ಸ್ಗಳಲ್ಲಿ ಅಶ್ವಿನಿ ಎತ್ತಿದ ಕೈ ಎನ್ನುವುದು ಈಗಾಗಲೇ ಸಾಬೀತಾಗಿದೆ.
ಬಿಗ್ ಬಾಸ್ ಮನೆಯಲ್ಲಿ ಎಲ್ಲರೂ ಒಂದಾದರೂ ಅಶ್ವಿನಿ ತಮ್ಮದೇ ದಾರಿಯಲ್ಲಿ ಸಾಗುತ್ತಿದ್ದಾರೆ. ನಾಮಿನೇಷನ್ನಿಂದ ಟಾಸ್ಕ್ಗಳವರೆಗೆ ವಿರೋಧ ಎದುರಿಸುತ್ತಲೇ ಇರುವ ಅಶ್ವಿನಿ ಈ ಬಾರಿ ಹಠ ಸಾಧಿಸಿ ಟಿಕೆಟ್ ಟು ಫಿನಾಲೆಗೆ ಮನ್ನಣೆ ಹಾಕಿ ಕೊಟ್ಟಿದ್ದಾರೆ. ಅಭಿಮಾನಿಗಳು “ಛಲಗಾರ್ತಿ ಅಶ್ವಿನಿ” ಎಂದು ಶ್ಲಾಘಿಸುತ್ತಿದ್ದಾರೆ.
ಬಿಗ್ ಬಾಸ್ ಕನ್ನಡ 12ರಲ್ಲಿ ಅಶ್ವಿನಿ ಗೌಡ ಅವರ ಪ್ರದರ್ಶನ ಈಗಾಗಲೇ ಗಮನ ಸೆಳೆದಿದೆ. ಈ ಗೆಲುವು ಅವರನ್ನು ಫಿನಾಲೆಗೆ ಹತ್ತಿರ ತಂದಿದೆಯೇ? ಕಾದು ನೋಡಬೇಕು.