ಇಂದು ಶಾಲಿವಾಹನ ಶಕೆ 1949ರ ಪರಾಭವ ಸಂವತ್ಸರ , ದಕ್ಷಿಣಾಯನ, ವರ್ಷ ಋತು, ಭಾದ್ರಪದ ಮಾಸ, ಶುಕ್ಲ ಪಕ್ಷದ ಪ್ರತಿಪತ್ ತಿಥಿ. ಶನಿವಾರವಾಗಿದ್ದು, ಪೂರ್ವಾಫಲ್ಗುಣೀ ಮಹಾನಕ್ಷತ್ರ, ಉತ್ತರಾಫಲ್ಗುಣೀ ನಿತ್ಯನಕ್ಷತ್ರ, ಶುಭ ಯೋಗ ಹಾಗೂ ಬವ ಕರಣವಿದೆ. ಸೂರ್ಯೋದಯ ಬೆಳಗ್ಗೆ 6:09ಕ್ಕೆ ಹಾಗೂ ಸೂರ್ಯಾಸ್ತ ಸಂಜೆ 6:21ಕ್ಕೆ ಸಂಭವಿಸಲಿದೆ. ಇಂದಿನ ರಾಹುಕಾಲ ಬೆಳಗ್ಗೆ 9:13ರಿಂದ 10:44ರವರೆಗೆ, ಯಮಗಂಡ ಮಧ್ಯಾಹ್ನ 1:47ರಿಂದ 3:19ರವರೆಗೆ ಹಾಗೂ ಗುಳಿಕ ಕಾಲ ಬೆಳಗ್ಗೆ 6:10ರಿಂದ 7:41ರವರೆಗೆ ಇರಲಿದೆ .
ಮೇಷ ರಾಶಿ: ಪಾರ್ಟ್ನರ್ಶಿಪ್ ವ್ಯವಹಾರದಲ್ಲಿ ಆದಾಯ ಹೆಚ್ಚಾಗುವ ಸಾಧ್ಯತೆ ಇದೆ. ಕೃಷಿ ಕ್ಷೇತ್ರದಲ್ಲಿ ಅಲ್ಪ ಆದಾಯ ದೊರೆಯಬಹುದು. ಸಂಗಾತಿಯ ಆರೋಗ್ಯದಲ್ಲಿ ಏರುಪೇರು ಕಂಡುಬರುವ ಸಾಧ್ಯತೆ ಇರುವುದರಿಂದ ಕಾಳಜಿ ವಹಿಸಿ. ವೇಗದ ಮಾತಿನಿಂದ ಗೊಂದಲ ಉಂಟಾಗದಂತೆ ಸಂವಹನದಲ್ಲಿ ಎಚ್ಚರಿಕೆ ಇರಲಿ.
ವೃಷಭ ರಾಶಿ: ಬರಬೇಕಿದ್ದ ಆದಾಯದಲ್ಲಿ ಅಡೆತಡೆ ಎದುರಾಗಬಹುದು. ಹಾಲಿನ ಉತ್ಪನ್ನಗಳ ಮಾರಾಟಗಾರರಿಗೆ ಲಾಭ ಸಿಗುವ ಸಾಧ್ಯತೆ ಇದೆ. ನಿಮ್ಮವರಿಂದಲೇ ಮಾನಸಿಕ ಯಾತನೆ ಎದುರಾಗಬಹುದು. ಸಣ್ಣಪುಟ್ಟ ಖರ್ಚುಗಳು ಹೆಚ್ಚಾಗುವ ಸಾಧ್ಯತೆ ಇರುವುದರಿಂದ ಹಣಕಾಸಿನ ವಿಚಾರದಲ್ಲಿ ಜಾಗರೂಕರಾಗಿರಿ. ಅಮೂಲ್ಯ ವಸ್ತುಗಳನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಿ.
ಮಿಥುನ ರಾಶಿ: ವಿದ್ಯಾರ್ಥಿಗಳಿಗೆ ದಿನವು ಶುಭಕರವಾಗಿರಲಿದೆ. ಸಂಗಾತಿಯ ಸಹಾಯದಿಂದ ಧನವೃದ್ಧಿಯಾಗುವ ಸಾಧ್ಯತೆ ಇದೆ. ಆದರೆ ಹತ್ತಿರದವರಿಂದ ಮೋಸವಾಗದಂತೆ ಎಚ್ಚರಿಕೆ ಅಗತ್ಯ. ಕೋಪವನ್ನು ನಿಯಂತ್ರಿಸಿಕೊಂಡು ಸರಿಯಾದ ಸಂವಹನಕ್ಕೆ ಆದ್ಯತೆ ನೀಡಿ. ನಿಮ್ಮ ಯೋಜನೆಗಳನ್ನು ವಾಸ್ತವಿಕವಾಗಿ ರೂಪಿಸಿಕೊಂಡರೆ ಯಶಸ್ಸು ದೊರೆಯಬಹುದು.
ಕಟಕ ರಾಶಿ: ಆರೋಗ್ಯದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಹಿರಿಯರ ಮಾರ್ಗದರ್ಶನದಿಂದ ಹಲವು ವಿಚಾರಗಳಲ್ಲಿ ಅನುಕೂಲವಾಗಲಿದೆ. ಯಾರನ್ನೂ ಅತಿಯಾಗಿ ನಂಬುವುದು ಬೇಡ. ಭೂಮಿ ಅಥವಾ ಆಸ್ತಿ ವಿಚಾರದಲ್ಲಿ ಲಾಭದ ಅವಕಾಶವಿದ್ದರೂ ನಿರ್ಧಾರ ಕೈಗೊಳ್ಳುವ ಮೊದಲು ಸಂಪೂರ್ಣ ಮಾಹಿತಿ ಪಡೆದುಕೊಳ್ಳಿ.
ಸಿಂಹ ರಾಶಿ: ಸ್ವಂತ ಬುದ್ಧಿಶಕ್ತಿಯಿಂದ ಧನವೃದ್ಧಿಯಾಗುವ ಸಾಧ್ಯತೆ ಇದೆ. ಕೀಲುನೋವಿನ ಸಮಸ್ಯೆ ಕಾಡಬಹುದು. ಹೊಸ ಕೆಲಸಗಳಲ್ಲಿ ಆರಂಭಿಕ ಹಿನ್ನಡೆ ಎದುರಾಗಬಹುದು. ಕಾರ್ಯಸ್ಥಳದಲ್ಲಿ ನಿಮ್ಮ ಕೆಲಸಕ್ಕೆ ಮೆಚ್ಚುಗೆ ದೊರೆಯುವ ಸಾಧ್ಯತೆ ಇದ್ದು, ಆತ್ಮವಿಶ್ವಾಸದಿಂದ ಮುನ್ನಡೆಯಿರಿ.
ಕನ್ಯಾ ರಾಶಿ: ವಾದವಿವಾದಗಳಲ್ಲಿ ಯಶಸ್ಸು ಸಿಗಬಹುದು. ವೃತ್ತಿಯಲ್ಲಿ ಹೊಸ ಪ್ರಯತ್ನಗಳಿಗೆ ಜಯ ದೊರೆಯುವ ಸಾಧ್ಯತೆ ಇದೆ. ಆದರೆ ಕುಟುಂಬದಲ್ಲಿ ಸಣ್ಣಪುಟ್ಟ ಕಲಹಗಳು ಉಂಟಾಗದಂತೆ ಮಾತಿನಲ್ಲಿ ಸಂಯಮ ಇರಲಿ. ಸಂಗಾತಿಯ ಭಾವನೆಗಳಿಗೆ ಬೆಲೆ ನೀಡಿದರೆ ಸಂಬಂಧದಲ್ಲಿ ಸಂತೋಷ ಹೆಚ್ಚಾಗಲಿದೆ.
ತುಲಾ ರಾಶಿ: ಉಪನ್ಯಾಸಕರಿಗೆ ಶುಭ ಸಮಯ. ಸ್ಥಿರಾಸ್ತಿಯ ಆಧಾರದ ಮೇಲೆ ಸಾಲ ಪಡೆಯುವ ಅವಕಾಶವಿದೆ. ವಾಹನದ ದುರಸ್ತಿಯಿಂದ ಖರ್ಚಾಗಬಹುದು ಹಾಗೂ ವಾಹನ ಚಲಿಸುವಾಗ ಎಚ್ಚರಿಕೆ ಅಗತ್ಯ. ಸಾಲಮುಕ್ತರಾಗುವ ಕುರಿತು ಯೋಜನೆ ರೂಪಿಸಲು ಇದು ಸೂಕ್ತ ಸಮಯ.
ವೃಶ್ಚಿಕ ರಾಶಿ: ಸರ್ಕಾರಿ ನೌಕರರಿಗೆ ಧನಾದಾಯದ ಅವಕಾಶವಿದೆ. ಧಾರ್ಮಿಕ ಹಾಗೂ ಧರ್ಮ ಕಾರ್ಯಗಳಲ್ಲಿ ಭಾಗವಹಿಸುವಿರಿ. ಕಂಪ್ಯೂಟರ್ ಇಂಜಿನಿಯರ್ಗಳಿಗೆ ಶುಭ ಫಲ ಸಿಗಬಹುದು. ಕಠಿಣ ಪರಿಶ್ರಮದ ಜೊತೆಗೆ ಯುಕ್ತಿಯಿಂದ ಕೆಲಸ ನಿರ್ವಹಿಸಿದರೆ ಉತ್ತಮ ಫಲಿತಾಂಶ ಪಡೆಯಬಹುದು.
ಧನು ರಾಶಿ: ಶತ್ರುಗಳಿಂದಲೇ ಸಹಾಯ ದೊರೆಯುವ ಸಾಧ್ಯತೆ ಇದೆ. ಹಳೆಯ ಕಾಯಿಲೆಯನ್ನು ನಿರ್ಲಕ್ಷಿಸದೆ ಸೂಕ್ತ ಕಾಳಜಿ ವಹಿಸಿ. ಕಲಾವಿದರಿಗೆ ಶುಭಕರ ದಿನವಾಗಿರಲಿದೆ. ಮನೆಯ ದುರಸ್ತಿ ಕಾರ್ಯಗಳತ್ತ ಗಮನ ಹರಿಸಬಹುದು. ಕುಟುಂಬದಲ್ಲಿ ಐಕಮತ್ಯ ಕಾಪಾಡಿಕೊಳ್ಳುವುದು ಮುಖ್ಯ.
ಮಕರ ರಾಶಿ: ಲೇವಾದೇವಿ ವ್ಯವಹಾರದಲ್ಲಿ ಉತ್ತಮ ಆದಾಯ ಸಿಗುವ ಸಾಧ್ಯತೆ ಇದೆ. ರೈಲ್ವೆ ನೌಕರರಿಗೆ ಶುಭ ಫಲ. ಸಮಾಜಮುಖಿ ಕಾರ್ಯಗಳಿಂದ ಗೌರವ ಹೆಚ್ಚಾಗಬಹುದು. ಮಕ್ಕಳ ಯಶಸ್ಸಿನಿಂದ ಸಂತೋಷ ದೊರೆಯಲಿದೆ. ಆದರೆ ದಾಂಪತ್ಯದಲ್ಲಿ ಸಣ್ಣಪುಟ್ಟ ತೊಂದರೆಗಳು ಎದುರಾಗಬಹುದು.
ಕುಂಭ ರಾಶಿ: ಹಣಕಾಸಿನ ವ್ಯವಹಾರದಲ್ಲಿ ನಷ್ಟವಾಗುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆ ಅಗತ್ಯ. ಅದಿರು ವ್ಯಾಪಾರಸ್ಥರಿಗೆ ಅಭಿವೃದ್ಧಿಯ ಅವಕಾಶವಿದೆ. ಕೋಪತಾಪಗಳನ್ನು ಕಡಿಮೆ ಮಾಡಿಕೊಂಡು ವ್ಯವಹರಿಸಿ. ಹೂಡಿಕೆಯನ್ನು ಅಲ್ಪ ಮೊತ್ತದಲ್ಲಿ ಮಾಡುವುದೇ ಉತ್ತಮ. ವಿವಾಹ ಮಾತುಕತೆಗಳು ಬಿರುಸಿನಿಂದ ನಡೆಯಬಹುದು.
ಮೀನ ರಾಶಿ: ಸಂಗಾತಿಯ ವ್ಯವಹಾರದಲ್ಲಿ ನಷ್ಟವಾಗುವ ಸಾಧ್ಯತೆ ಇದೆ. ಆಭರಣ ಮಾರಾಟಗಾರರಿಗೆ ಹಿನ್ನಡೆ ಎದುರಾಗಬಹುದು. ಆರೋಗ್ಯದಲ್ಲಿ ಚೇತರಿಕೆ ಕಂಡುಬರಲಿದೆ. ಸರ್ಕಾರಿ ಕೆಲಸಗಳಿಗಾಗಿ ಹೆಚ್ಚು ಓಡಾಟ ಮಾಡಬೇಕಾಗಬಹುದು. ಯಾವುದೇ ವಿಚಾರವನ್ನು ಪರಿಶೀಲಿಸದೆ ಒಪ್ಪಿಕೊಳ್ಳಬೇಡಿ. ಹಿರಿಯರ ಮಾರ್ಗದರ್ಶನ ಪಡೆದು ಮುಂದುವರಿಯುವುದು ಒಳಿತು.