ಭಾರತೀಯ ಸೇನೆಗೆ ಬಂತೂ ತಾರಾಸ್ತ್ರ: ಶತ್ರುಗಳ ಎದೆಯಲ್ಲಿ ಶುರುವಾಯ್ತು ನಡುಕ.!

ನವದೆಹಲಿ: ಜಾಗತಿಕ ಮಟ್ಟದಲ್ಲಿ ಆರ್ಥಿಕವಾಗಿ ಮತ್ತು ಮಿಲಿಟರಿ ಶಕ್ತಿಯಾಗಿ ವೇಗವಾಗಿ ಬೆಳೆಯುತ್ತಿರುವ ಭಾರತವನ್ನು ಎದುರು ಹಾಕಿಕೊಳ್ಳುವ ಮುನ್ನ ಶತ್ರು ರಾಷ್ಟ್ರಗಳು ಇಂದು ನೂರು ಬಾರಿ ಯೋಚಿಸುವಂತಾಗಿದೆ. ತನ್ನ ಸೈನಿಕ ಸಾಮರ್ಥ್ಯವನ್ನು ನಿರಂತರವಾಗಿ ವೃದ್ಧಿಸಿಕೊಳ್ಳುತ್ತಿರುವ ಭಾರತ, ಇದೀಗ ರಕ್ಷಣಾ ವಲಯದಲ್ಲಿ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಲು ಸಜ್ಜಾಗಿದೆ.

ವಾಯುಪಡೆಯ ಬತ್ತಳಿಕೆಗೆ ಹೊಸ ಆಯುಧ

ಭಾರತೀಯ ಸೇನೆಯು ಭೂಮಿ, ಆಕಾಶ ಮತ್ತು ಜಲ ರಂಗಗಳಲ್ಲಿ ತನ್ನದೇ ಆದ ಅಪ್ರತಿಮ ಆಯುಧ ಬಲವನ್ನು ಹೊಂದಿದೆ. ವಿಶೇಷವಾಗಿ ವಾಯುಪಡೆಯಲ್ಲಿ ತೇಜಸ್ (Tejas), ಸುಖೋಯ್-30 (Su-30 MKI) ಮತ್ತು ರಾಫೆಲ್ (Rafale) ನಂತಹ ಅತ್ಯಾಧುನಿಕ ಯುದ್ಧ ವಿಮಾನಗಳನ್ನು ಹೊಂದಿರುವ ಭಾರತ, ಯಾರಿಗೂ ಕಡಿಮೆ ಇಲ್ಲ ಎಂಬ ಸಂದೇಶವನ್ನು ಜಗತ್ತಿಗೆ ಸಾರಿದೆ. ಈಗ ಈ ಬಲಕ್ಕೆ ‘ತಾರಾಸ್ತ್ರ’ ಎಂಬ ಶಕ್ತಿಶಾಲಿ ಕ್ಷಿಪಣಿ ಅಧಿಕೃತವಾಗಿ ಸೇರ್ಪಡೆಗೊಳ್ಳುತ್ತಿದೆ.

ಏನಿದು ತಾರಾಸ್ತ್ರ?

‘ತಾರಾಸ್ತ್ರ’ ಭಾರತದ ಬಳಿಯಿರುವ ಅತ್ಯಂತ ವಿಶ್ವಾಸಾರ್ಹ ಕ್ಷಿಪಣಿ ವ್ಯವಸ್ಥೆಗಳಲ್ಲಿ ಒಂದಾಗಿದೆ. ಮೂಲತಃ ಇದೊಂದು ಹಳೆಯ ಮಿಸೈಲ್ ಮಾದರಿಯಾಗಿದ್ದರೂ, ಈಗ ಡಿಆರ್‌ಡಿಒ (DRDO) ಇದರ ಕ್ಷಮತೆಯನ್ನು ಸಂಪೂರ್ಣವಾಗಿ ಆಧುನೀಕರಿಸಿದೆ.
• ಈಗಾಗಲೇ ಭಾರತದ ಬಳಿ ತಾರಾ-1, ತಾರಾ-2, ತಾರಾ-3 ಮತ್ತು ತಾರಾ-4 ಎಂಬ ನಾಲ್ಕು ವಿಭಿನ್ನ ಸರಣಿಯ ಆಸ್ತ್ರಗಳಿವೆ.
• ಹೊಸ ತಾಂತ್ರಿಕ ಬದಲಾವಣೆಗಳೊಂದಿಗೆ ಮರುಜನ್ಮ ಪಡೆದಿರುವ ಈ ‘ತಾರಾಸ್ತ್ರ’, ಶತ್ರುಗಳ ರಾಡಾರ್ ಕಣ್ಣಿಗೆ ಬೀಳದೆ ನಿಖರವಾಗಿ ಗುರಿ ತಲುಪುವ ಸಾಮರ್ಥ್ಯ ಹೊಂದಿದೆ ಎನ್ನಲಾಗಿದೆ.

ಸ್ವದೇಶಿ ಶಕ್ತಿಯ ಪ್ರದರ್ಶನ

ಭಾರತ ಈಗಾಗಲೇ ಅಗ್ನಿ, ಪೃಥ್ವಿ, ನಿರ್ಭಯ್, ಸಾರಿಕ ಮತ್ತು ಆಕಾಶದಂತಹ ಸ್ವದೇಶಿ ಮಿಸೈಲ್‌ಗಳ ಮೂಲಕ ತನ್ನ ಬಲ ಪ್ರದರ್ಶಿಸಿದೆ. ಶಾಂತಿಪ್ರಿಯ ದೇಶವಾಗಿದ್ದರೂ, ಗಡಿ ಭಾಗದಲ್ಲಿ ಚೀನಾ ಅಥವಾ ಪಾಕಿಸ್ತಾನದಂತಹ ರಾಷ್ಟ್ರಗಳು ಉದ್ಧಟತನ ತೋರಿದಾಗ ತಕ್ಕ ತಿರುಗೇಟು ನೀಡಲು ಭಾರತ ಹಿಂದೆಬಿದ್ದಿಲ್ಲ. ಹಿಂದೆ ನಡೆದ ‘ಆಪರೇಷನ್ ಸಿಂಧೂರ’ದಂತಹ ಸಾಹಸಗಾಥೆಗಳು ಭಾರತದ ತಾಕತ್ತನ್ನು ವಿಶ್ವಕ್ಕೇ ಪರಿಚಯಿಸಿವೆ. ಇದೀಗ ತಾರಾಸ್ತ್ರದ ಆಧುನಿಕ ಆವೃತ್ತಿಯು ವಾಯುಪಡೆಗೆ ಸೇರುತ್ತಿರುವುದು ಶತ್ರು ಪಾಳೆಯದಲ್ಲಿ ಆತಂಕ ಮೂಡಿಸಿದೆ.

ರಕ್ಷಣಾ ವಲಯದಲ್ಲಿ ಹೊಸ ಸಂಚಲನ

ಈ ಕ್ಷಿಪಣಿಯ ಸೇರ್ಪಡೆಯಿಂದ ಭಾರತದ ವಾಯು ರಕ್ಷಣಾ ವ್ಯವಸ್ಥೆ (Air Defence System) ಇನ್ನಷ್ಟು ಭದ್ರವಾಗಲಿದೆ. “ಆತ್ಮನಿರ್ಭರ ಭಾರತ” ಯೋಜನೆಯಡಿ ಹಳೆಯ ಆಯುಧಗಳನ್ನು ಆಧುನಿಕ ಯುದ್ಧತಂತ್ರಕ್ಕೆ ಪೂರಕವಾಗಿ ಸಿದ್ಧಪಡಿಸುತ್ತಿರುವುದು ಭಾರತದ ರಕ್ಷಣಾ ವಿಜ್ಞಾನಿಗಳ ಸಾಧನೆಗೆ ಸಾಕ್ಷಿಯಾಗಿದೆ. ಒಟ್ಟಾರೆಯಾಗಿ, ‘ತಾರಾಸ್ತ್ರ’ದ ಈ ಹೊಸ ಅವತಾರವು ಭಾರತೀಯ ವಾಯುಪಡೆಗೆ ಆನೆಬಲ ತಂದಿದೆ.