ಇಂದು ಭಾರತವು ಆರ್ಥಿಕವಾಗಿ ಹಾಗೂ ಸೇನಾ ಸಾಮರ್ಥ್ಯದ ದೃಷ್ಟಿಯಿಂದ ವಿಶ್ವದಲ್ಲೇ ಮುಂಚೂಣಿಯಲ್ಲಿರುವ ದೇಶ. ಜಗತ್ತಿನ ಎಲ್ಲಾ ಪ್ರಮುಖ ರಾಷ್ಟ್ರಗಳೂ ಭಾರತದ ರಕ್ಷಣಾ ನೀತಿಯನ್ನು ಗೌರವದಿಂದ ನೋಡುತ್ತವೆ. ಇದೀಗ ಭಾರತೀಯ ರಕ್ಷಣಾ ವಲಯದಲ್ಲಿ ಮತ್ತೊಂದು ಹೆಮ್ಮೆಯ ಕ್ಷಣ ಎದುರಾಗಿದ್ದು, ಭಾರತವು ರಕ್ಷಣಾ ರಂಗದಲ್ಲಿ ಮತ್ತೊಂದು ಐತಿಹಾಸಿಕ ಹೆಜ್ಜೆ ಇಡಲು ಸಜ್ಜಾಗಿದೆ.
ಭಾರತದಲ್ಲಿಯೇ ನಿರ್ಮಾಣವಾಗಲಿದೆ ‘ಐರನ್ ಡೋಮ್’ ಕ್ಷಿಪಣಿಗಳು
ಭಾರತದ ಆಪ್ತ ಮಿತ್ರ ರಾಷ್ಟ್ರವಾದ ಇಸ್ರೇಲ್, ಜಗತ್ತಿನ ಅತ್ಯಂತ ಯಶಸ್ವಿ ವೈಮಾನಿಕ ರಕ್ಷಣಾ ವ್ಯವಸ್ಥೆಯಾದ ‘ಐರನ್ ಡೋಮ್’ (Iron Dome) ನ ಪ್ರಮುಖ ಇಂಟರ್ಸೆಪ್ಟರ್ ಕ್ಷಿಪಣಿಗಳನ್ನು ಭಾರತದಲ್ಲಿಯೇ ಜಂಟಿಯಾಗಿ ಉತ್ಪಾದಿಸಲು ದೊಡ್ಡ ಆಫರ್ ನೀಡಿದೆ. ಭಾರತ ಸರ್ಕಾರದ ‘ಮೇಕ್ ಇನ್ ಇಂಡಿಯಾ’ ಯೋಜನೆಗೆ ಇದು ಮತ್ತಷ್ಟು ಶಕ್ತಿ ತುಂಬಲಿದೆ.
ಶತ್ರು ರಾಷ್ಟ್ರಗಳಿಗೆ ‘ಸಿಂಹಸ್ವಪ್ನ’: ಭಾರತಕ್ಕೆ ಏನು ಪ್ರಯೋಜನ?
ಡ್ರೋನ್ ಮತ್ತು ರಾಕೆಟ್ ದಾಳಿಗಳಿಗೆ ಬ್ರೇಕ್: ಚೀನಾ ಮತ್ತು ಪಾಕಿಸ್ತಾನದಂತಹ ಶತ್ರು ರಾಷ್ಟ್ರಗಳು ಗಡಿಯಲ್ಲಿ ಪ್ರಯೋಗಿಸುವ ಡ್ರೋನ್ಗಳು, ಮಾರ್ಟರ್ಗಳು ಹಾಗೂ ಸಣ್ಣ ಕ್ಷಿಪಣಿಗಳನ್ನು ಗಾಳಿಯಲ್ಲಿಯೇ ಗುರುತಿಸಿ, ಸುಲಭವಾಗಿ ನಾಶಪಡಿಸುವ ಅದ್ಭುತ ಸಾಮರ್ಥ್ಯ ಭಾರತಕ್ಕೆ ಸಿಗಲಿದೆ.
ಗಡಿ ರಕ್ಷಣೆಗೆ ಬಲ : ಗಡಿಭಾಗದಲ್ಲಿ ಆಗಾಗ ಕದ್ದುಮುಚ್ಚಿ ದಾಳಿ ಮಾಡುವ ಶತ್ರುಗಳಿಗೆ ಈ ಐರನ್ ಡೋಮ್ ವ್ಯವಸ್ಥೆಯು ಸಿಂಹಸ್ವಪ್ನವಾಗಿ ಕಾಡಲಿದ್ದು, ಭಾರತೀಯ ಸೇನೆಯ ಬಲವನ್ನು ನೂರ್ಮಡಿಗೊಳಿಸಲಿದೆ.
ಉದ್ಯೋಗ ಮತ್ತು ರಫ್ತು ಅವಕಾಶ : ಭಾರತದಲ್ಲಿಯೇ ಇದು ತಯಾರಾಗುವುದರಿಂದ ಸ್ಥಳೀಯವಾಗಿ ತಾಂತ್ರಿಕ ಉದ್ಯೋಗಗಳು ಸೃಷ್ಟಿಯಾಗಲಿವೆ ಹಾಗೂ ಭವಿಷ್ಯದಲ್ಲಿ ಮೂರನೇ ದೇಶಗಳಿಗೆ ಇದನ್ನು ರಫ್ತು ಮಾಡುವ ಅವಕಾಶವೂ ಭಾರತಕ್ಕೆ ಸಿಗಲಿದೆ.
ಇಸ್ರೇಲ್ ಗಡಿಯಲ್ಲಿ ಅಚ್ಚರಿ ಮೂಡಿಸಿದ್ದ ರಕ್ಷಣಾ ಕವಚ
ಇತ್ತೀಚಿನ ಇರಾನ್ ಮತ್ತು ಇಸ್ರೇಲ್ ಸಂಘರ್ಷದ ವೇಳೆ ಶತ್ರುಗಳು ಉಡಾಯಿಸಿದ ನೂರಾರು ರಾಕೆಟ್ ಹಾಗೂ ಡ್ರೋನ್ಗಳನ್ನು ಗಾಳಿಯಲ್ಲೇ ಹೊಡೆದುರುಳಿಸಿ ಇಸ್ರೇಲ್ ಜನರನ್ನು ರಕ್ಷಿಸಿದ್ದು ಇದೇ ಐರನ್ ಡೋಮ್ ಸಾಮಾನ್ಯವಾಗಿ 4 ಕಿಮೀ ನಿಂದ 70 ಕಿಮೀ ವ್ಯಾಪ್ತಿಯಲ್ಲಿ ಬರುವ ಕಡಿಮೆ ದೂರದ ರಾಕೆಟ್ಗಳನ್ನು ತಡೆಯುವ ಸಾಮರ್ಥ್ಯ ಹೊಂದಿದೆ.
ಈ ಅತ್ಯಾಧುನಿಕ ತಂತ್ರಜ್ಞಾನದ ಜಂಟಿ ನಿರ್ಮಾಣದ ಜವಾಬ್ದಾರಿಯನ್ನು ಭಾರತದೊಂದಿಗೆ ಹಂಚಿಕೊಳ್ಳಲು ಮುಂದಾಗಿರುವ ಇಸ್ರೇಲ್ನ ನಡೆ ಜಾಗತಿಕ ರಕ್ಷಣಾ ವಲಯದಲ್ಲಿ ಭಾರತದ ಸ್ಥಾನಮಾನವನ್ನು ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ದಿದೆ.