ದೇಶದ ಯುವ ಜನತೆಯನ್ನು ಗುರಿಯಾಗಿಸಿಕೊಂಡು ಮಾದಕ ವಸ್ತುಗಳನ್ನು ಸಾಗಿಸುತ್ತಿದ್ದ ಪಾಕಿಸ್ತಾನದ ಬೃಹತ್ ಡ್ರಗ್ಸ್ ಜಾಲವನ್ನು ಭಾರತೀಯ ನೌಕಾಪಡೆ ಯಶಸ್ವಿಯಾಗಿ ಭೇದಿಸಿದೆ. “ದ್ವೇಷಕ್ಕಿಂತ ಪ್ರೀತಿಯನ್ನು ಅತಿ ಹೆಚ್ಚು ಹಂಚುವ ದೇಶ ನಮ್ಮದು. ಅಂತಹ ದೇಶಕ್ಕೆ ಸದಾ ಪಾಕಿಸ್ತಾನ ಮತ್ತು ಚೀನಾದಂತಹ ರಾಷ್ಟ್ರಗಳು ಕೆಡುಕನ್ನು ಬಯಸುವುದು ಸಹಜ.” ಇದೀಗ ಅದೇ ವಕ್ರಬುದ್ಧಿಯಿಂದ ಭಾರತದೊಳಗೆ ಡ್ರಗ್ಸ್ ಕಳ್ಳಸಾಗಣೆ ಮಾಡಲು ಹೂಡಿದ್ದ ಪಾಕಿಸ್ತಾನದ ಸಂಚನ್ನು ಭಾರತೀಯ ಪಡೆಗಳು ವಿಫಲಗೊಳಿಸಿವೆ.
ಭರ್ಜರಿ ಡ್ರಗ್ಸ್ ವಶಕ್ಕೆ ಪಡೆದ ಭಾರತೀಯ ನೌಕಾಪಡೆ : ಭಾರತದ ಕಡಲ ಗಡಿಗೆ ಹೊಂದಿಕೊಂಡಿರುವ ಅರಬ್ಬಿ ಸಮುದ್ರದ ಭಾಗದಲ್ಲಿ ಪಾಕಿಸ್ತಾನದ ನೌಕೆಯೊಂದು ಅನುಮಾನಾಸ್ಪದವಾಗಿ ಡ್ರಗ್ಸ್ ಸಾಗಾಟ ಮಾಡುತ್ತಿರುವುದು ಭಾರತೀಯ ನೌಕಾಪಡೆಗೆ ಗೋಚರಿಸಿದೆ. ಈ ಕುರಿತು ಖಚಿತ ಮಾಹಿತಿ ಪಡೆದ ನೌಕಾಪಡೆಯು ತಕ್ಷಣವೇ ಕಾರ್ಯಾಚರಣೆಗಿಳಿದು, ಡ್ರಗ್ಸ್ ಸಾಗಿಸುತ್ತಿದ್ದ ನೌಕೆಯನ್ನು ಸುತ್ತುವರೆದು ಅಪಾರ ಪ್ರಮಾಣದ ಮಾದಕ ವಸ್ತುಗಳನ್ನು ವಶಪಡಿಸಿಕೊಂಡಿದೆ.
ತಮಿಳುನಾಡು ಹಾಗೂ ಕರಾವಳಿ ಭಾಗಕ್ಕೆ ಸಾಗಿಸಲು ಸಂಚು: ಮೂಲಗಳ ಪ್ರಕಾರ, ವಶಪಡಿಸಿಕೊಂಡ ಈ ಡ್ರಗ್ಸ್ಗಳನ್ನು ಲಕ್ಷದ್ವೀಪ, ತಮಿಳುನಾಡು ಹಾಗೂ ದೇಶದ ಕರಾವಳಿ ಪ್ರದೇಶಗಳ ಮೂಲಕ ಒಳನಾಡಿಗೆ ಸಾಗಿಸಲು ವ್ಯವಸ್ಥೆ ಮಾಡಲಾಗಿತ್ತು ಎನ್ನಲಾಗಿದೆ. ಭಾರತದ ಯುವ ಜನತೆಯನ್ನು ಮಾದಕ ದ್ರವ್ಯದ ದಾಸರನ್ನಾಗಿಸುವ ಪಾಕಿಸ್ತಾನದ ಈ ಕುತಂತ್ರಕ್ಕೆ ನೌಕಾಪಡೆಯು ಈಗ ಬ್ರೇಕ್ ಹಾಕಿದೆ. ಭಾರತೀಯ ಸೇನೆಯ ಈ ಸಾಹಸಿಕ ಕಾರ್ಯಕ್ಕೆ ದೇಶಾದ್ಯಂತ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.
ಬಲೂಚ್ ಮಹಿಳಾ ಫೈಟರ್‌‌ಗಳಿಂದಲೂ ಪಾಕ್‌ಗೆ ತಿರುಗೇಟು: ಮತ್ತೊಂದೆಡೆ, ಆಂತರಿಕವಾಗಿಯೂ ತೀವ್ರ ಹಿನ್ನಡೆ ಎದುರಿಸುತ್ತಿರುವ ಪಾಕಿಸ್ತಾನಕ್ಕೆ ಬಲೂಚ್ ಮಹಿಳಾ ಫೈಟರ್ಗಳು ತಕ್ಕ ತಿರುಗೇಟು ನೀಡಿದ್ದಾರೆ. ಬಲೂಚಿಸ್ತಾನದಲ್ಲಿ ನಡೆದ ಸಂಘರ್ಷದಲ್ಲಿ ಪಾಕ್ ಸೇನೆಯ 8 ಯೋಧರನ್ನು ಹೊಡೆದುರುಳಿಸುವಲ್ಲಿ ಮಹಿಳಾ ಹೋರಾಟಗಾರರು ಯಶಸ್ವಿಯಾಗಿದ್ದಾರೆ ಎಂಬ ವರದಿಗಳು ಬಂದಿವೆ.
ಒಟ್ಟಿನಲ್ಲಿ, ಸೋಲಿನ ಮೇಲೆ ಸೋಲು ಕಂಡರೂ ತನ್ನ ವಕ್ರಬುದ್ಧಿಯನ್ನು ಬಿಡದ ಪಾಕಿಸ್ತಾನದ ವಿರುದ್ಧ ಅಂತರರಾಷ್ಟ್ರೀಯ ಮಟ್ಟದಲ್ಲೂ ಆಕ್ರೋಶ ವ್ಯಕ್ತವಾಗುತ್ತಿದ್ದು, ಇದು ಆ ರಾಷ್ಟ್ರಕ್ಕೆ ಎಚ್ಚರಿಕೆ ಗಂಟೆಯಾಗಿದೆ.