ನಂದಿನಿ ಹಾಲಿನ ದರ ಏರಿಕೆಯ ಬಳಿಕ, ಇದೀಗ ದೇಶಾದ್ಯಂತ ಅಮುಲ್ ಹಾಲಿನ ಬೆಲೆ ಕೂಡ 2 ರೂ. ಹೆಚ್ಚಳವಾಗಿದೆ. ಇಂದಿನಿಂದ (ಮೇ 1, 2025) ಈ ಪರಿಷ್ಕೃತ ದರಗಳು ಜಾರಿಯಾಗಿದೆ. ಈ ಬೆಲೆ ಏರಿಕೆಯಿಂದ ಗ್ರಾಹಕರಿಗೆ ಮತ್ತಷ್ಟು ಆರ್ಥಿಕ ಒತ್ತಡ ಎದುರಾಗಲಿದೆ.
ಈ ದರ ಏರಿಕೆ ಅಮುಲ್ ಸ್ಟ್ಯಾಂಡರ್ಡ್, ಬಫೆಲೋ, ಗೋಲ್ಡ್, ಸ್ಲಿಮ್ ಆಂಡ್ ಟ್ರಿಮ್, ಚಾಯ್ ಮಜಾ, ತಾಜಾ ಮತ್ತು ಕೌಮಿಲ್ಕ್ ಹಾಲುಗಳಿಗೆ ಅನ್ವಯವಾಗಲಿದೆ.
ಹಿಂದಿನ ವರ್ಷದಲ್ಲಿ, ಗ್ರಾಹಕರಿಗೆ ಅನುಕೂಲವಾಗಲೆಂದು ಅಮುಲ್ 1 ಲೀಟರ್ ಹಾಗೂ 2 ಲೀಟರ್ ಪ್ಯಾಕ್ಗಳಲ್ಲಿ ಉಚಿತವಾಗಿ ಹೆಚ್ಚುವರಿ ಹಾಲನ್ನು ಪೂರೈಸಿತ್ತು ಮತ್ತು 2025ರ ಜನವರಿಯಲ್ಲಿ 1 ಲೀಟರ್ ಪ್ಯಾಕ್ ಬೆಲೆಯನ್ನೂ ₹1 ರಷ್ಟು ಕಡಿಮೆ ಮಾಡಿತ್ತು.
ಅಮುಲ್ ಹಾಲಿನ ಪರಿಷ್ಕೃತ ದರಗಳು (ಮೇ 1, 2025 ರಿಂದ)
| ಹಾಲಿನ ವಿಧ | ಪ್ರಮಾಣ | ಹಳೆಯ ಬೆಲೆ (₹) | ಹೊಸ ಬೆಲೆ (₹) |
|---|---|---|---|
| ಅಮುಲ್ ಸ್ಟ್ಯಾಂಡರ್ಡ್ | 500 ಮಿ.ಲೀ | ₹30 | ₹31 |
| ಅಮುಲ್ ಬಫೆಲೋ (ಎಮ್ಮೆ ಹಾಲು) | 500 ಮಿ.ಲೀ | ₹36 | ₹37 |
| ಅಮುಲ್ ಗೋಲ್ಡ್ | 500 ಮಿ.ಲೀ | ₹33 | ₹34 |
| ಅಮುಲ್ ಗೋಲ್ಡ್ | 1 ಲೀಟರ್ | ₹65 | ₹67 |
| ಅಮುಲ್ ಸ್ಲಿಮ್ ಆಂಡ್ ಟ್ರಿಮ್ | 500 ಮಿ.ಲೀ | ₹24 | ₹25 |
| ಅಮುಲ್ ಚಾಯ್ ಮಜಾ | 500 ಮಿ.ಲೀ | ₹31 | ₹32 |
| ಅಮುಲ್ ತಾಜಾ | 500 ಮಿ.ಲೀ | ₹27 | ₹28 |
| ಅಮುಲ್ ತಾಜಾ | 1 ಲೀಟರ್ | ₹53 | ₹55 |
ಹಾಲು ಬಳಸುವ ಪ್ರತಿದಿನದ ಬಳಕೆಯ ಉಪಯೋಗದ ನಡುವೆ ಈ ದರ ಏರಿಕೆಯಿಂದ ಮನೆ ಖರ್ಚಿನಲ್ಲಿ ಸ್ವಲ್ಪ ಹೆಚ್ಚಳವಾಗಬಹುದಾದರೂ, ಗ್ರಾಹಕರಿಗೆ ಉತ್ತಮ ಗುಣಮಟ್ಟದ ಹಾಲನ್ನು ಪೂರೈಸುವುದೇ ನಮ್ಮ ಉದ್ದೇಶ ಎಂದು ಅಮುಲ್ ತಿಳಿಸದೆ.





