ಬೆಂಗಳೂರು (ಆಗಸ್ಟ್ 03): ರಾಜ್ಯ ಸರ್ಕಾರದ ನೂತನ ಸಚಿವರ ಪ್ರಮಾಣವಚನ ಸಮಾರಂಭ ಇಂದು ಲೋಕಭವನದಲ್ಲಿ ನಡೆಯಲಿರುವ ಹಿನ್ನೆಲೆಯಲ್ಲಿ ಬೆಂಗಳೂರು ನಗರದಲ್ಲಿ ಮಧ್ಯಾಹ್ನದಿಂದ ರಾತ್ರಿ ತನಕ ವ್ಯಾಪಕ ಸಂಚಾರ ಮಾರ್ಪಾಡು ಮಾಡಲಾಗಿದೆ. ಸಂಚಾರ ವಿಭಾಗದ ಜಂಟಿ ಪೊಲೀಸ್ ಆಯುಕ್ತ ಕಾರ್ತಿಕ್ ರೆಡ್ಡಿ ಅವರು ಈ ಕುರಿತು ಆದೇಶ ಹೊರಡಿಸಿದ್ದು, ಸಾರ್ವಜನಿಕರು ಪರ್ಯಾಯ ಮಾರ್ಗಗಳನ್ನು ಬಳಸುವಂತೆ ಮನವಿ ಮಾಡಿದ್ದಾರೆ.
ಮಧ್ಯಾಹ್ನ 2.00 ಗಂಟೆಯಿಂದ ರಾತ್ರಿ 8.00 ಗಂಟೆಯವರೆಗೆ ಲೋಕಭವನ ಹಾಗೂ ವಿಧಾನಸೌಧ ಸುತ್ತಮುತ್ತಲಿನ ಪ್ರಮುಖ ರಸ್ತೆಗಳಲ್ಲಿ ಕಾರ್ಯಕ್ರಮಕ್ಕೆ ಅನುಮತಿ ಪಡೆದ ವಾಹನಗಳನ್ನು ಹೊರತುಪಡಿಸಿ ಉಳಿದ ಎಲ್ಲಾ ವಾಹನಗಳ ಸಂಚಾರಕ್ಕೆ ನಿರ್ಬಂಧ ವಿಧಿಸಲಾಗಿದೆ.
ಮುಖ್ಯ ಅಂಶಗಳು
- ಲೋಕಭವನದಲ್ಲಿ ಇಂದು ಸಚಿವರ ಪ್ರಮಾಣವಚನ
- ಮಧ್ಯಾಹ್ನ 2ರಿಂದ ರಾತ್ರಿ 8ರವರೆಗೆ ಪ್ರಮುಖ ರಸ್ತೆಗಳಲ್ಲಿ ಸಂಚಾರ ನಿರ್ಬಂಧ
- ರಾತ್ರಿ 10ರವರೆಗೆ ಭಾರಿ ವಾಹನಗಳ ಸಂಚಾರ ನಿಷೇಧ
- ಪರ್ಯಾಯ ಮಾರ್ಗಗಳ ವ್ಯವಸ್ಥೆ
- ಹಲವು ರಸ್ತೆಗಳಲ್ಲಿ ವಾಹನ ನಿಲುಗಡೆಗೂ ನಿರ್ಬಂಧ
ಈ ರಸ್ತೆಗಳಲ್ಲಿ ಸಂಚಾರ ನಿರ್ಬಂಧ
- ಕಬ್ಬನ್ ರಸ್ತೆ – ಬಿ.ಆರ್.ವಿ. ಜಂಕ್ಷನ್ನಿಂದ ಸಿ.ಟಿ.ಒ. ಜಂಕ್ಷನ್ ಹಾಗೂ ಅಲ್ಲಿಂದ ಲೋಕಭವನದವರೆಗೆ.
- ಬಾಲೇಕುಂದ್ರಿ ಜಂಕ್ಷನ್ನಿಂದ ಡಾ. ಅಂಬೇಡ್ಕರ್ ರಸ್ತೆ ಕಡೆಗೆ.
- ಡಾ. ಬಿ.ಆರ್. ಅಂಬೇಡ್ಕರ್ ರಸ್ತೆ – ಕೆ.ಆರ್. ಸರ್ಕಲ್ನಿಂದ ಕಾಫಿ ಬೋರ್ಡ್ ಜಂಕ್ಷನ್ವರೆಗೆ.
- ಕ್ವೀನ್ಸ್ ಜಂಕ್ಷನ್ನಿಂದ ಸಿ.ಟಿ.ಒ. ಕಡೆಗೆ.
- ಸೇಂಟ್ ಮಾರ್ಕ್ಸ್ ರಸ್ತೆಯಿಂದ ಕ್ವೀನ್ಸ್ ಜಂಕ್ಷನ್ ಮೂಲಕ ಸಿ.ಟಿ.ಒ. ಕಡೆಗೆ.
ಪರ್ಯಾಯ ಮಾರ್ಗಗಳು
- ಕಬ್ಬನ್ ರಸ್ತೆ ಮೂಲಕ ತೆರಳುವವರು ಶಿವಾಜಿನಗರ – ಅನಿಲ್ ಕುಂಬ್ಳೆ ಜಂಕ್ಷನ್ ಮಾರ್ಗ ಬಳಸಬಹುದು.
- ಕ್ವೀನ್ಸ್ ರಸ್ತೆ ಹಾಗೂ ಶಿವಾಜಿನಗರದಿಂದ ಬರುವವರು ಕನ್ನಿಂಗ್ಹ್ಯಾಮ್ ರಸ್ತೆ ಮೂಲಕ ಸಂಚರಿಸಬಹುದು.
- ಕೆ.ಆರ್. ಸರ್ಕಲ್ನಿಂದ ಕಾಫಿ ಬೋರ್ಡ್ ಕಡೆಗೆ ತೆರಳುವವರು ನೃಪತುಂಗ ರಸ್ತೆ ಬಳಸಬಹುದು.
- ಲೋಕಭವನದತ್ತ ತೆರಳುವವರು ಅನಿಲ್ ಕುಂಬ್ಳೆ ಜಂಕ್ಷನ್ – ಬಿ.ಆರ್.ವಿ. ಜಂಕ್ಷನ್ ಮಾರ್ಗ ಅನುಸರಿಸಬಹುದು.
ಈ ರಸ್ತೆಗಳಲ್ಲಿ ವಾಹನ ನಿಲುಗಡೆ ನಿಷೇಧ
- ಡಾ. ಬಿ.ಆರ್. ಅಂಬೇಡ್ಕರ್ ರಸ್ತೆ
- ಲೋಕಭವನ ರಸ್ತೆ
- ಎಲ್.ಎಚ್. ರಸ್ತೆ
- ಕ್ವೀನ್ಸ್ ರಸ್ತೆ
- ಪ್ಯಾಲೇಸ್ ರಸ್ತೆ
- ಕಬ್ಬನ್ ಉದ್ಯಾನವನದ ಒಳ ರಸ್ತೆಗಳು
- ಮಿಲ್ಲರ್ ರಸ್ತೆ
- ಇನ್ಫ್ಯಾಂಟ್ರಿ ರಸ್ತೆ
- ಕೆ.ಜಿ. ರಸ್ತೆ
- ನೃಪತುಂಗ ರಸ್ತೆ
- ಕಸ್ತೂರಿಬಾ ರಸ್ತೆ
- ಕಬ್ಬನ್ ರಸ್ತೆ ಹಾಗೂ ಸೂಚಿಸಲಾದ ಇತರೆ ರಸ್ತೆಗಳಲ್ಲಿ ವಾಹನ ನಿಲುಗಡೆ ಸಂಪೂರ್ಣ ನಿಷೇಧಿಸಲಾಗಿದೆ.
ವಾಹನ ನಿಲುಗಡೆಗೆ ವ್ಯವಸ್ಥೆ
ಪಾಸ್ ಹೊಂದಿರುವ ವಾಹನಗಳು:
- ವಿಧಾನಸೌಧ ಸಿಮೆಂಟ್ ಪಾರ್ಕಿಂಗ್
- ವಿಕಾಸಸೌಧ ಸುತ್ತಮುತ್ತ
- ರಾಜಭವನ ಹಿಂಭಾಗದ ಎಲ್.ಎಚ್. ಪಾರ್ಕಿಂಗ್
- ನೆಹರು ತಾರಾಲಯ ಆವರಣ
ಪಾಸ್ ಇಲ್ಲದ ವಾಹನಗಳು:
- ಕೊಂಡಜ್ಜಿ ಭವನ
- ಶಿವಾಜಿನಗರ ಬಸ್ ನಿಲ್ದಾಣ ಮಲ್ಟಿಲೆವೆಲ್ ಪಾರ್ಕಿಂಗ್
- ಕಂಠೀರವ ಕ್ರೀಡಾಂಗಣ
- ಯು.ಬಿ. ಸಿಟಿ ಪಾರ್ಕಿಂಗ್
- ಸರ್ಕಾರಿ ಕಲಾ ಕಾಲೇಜು ಆವರಣ
- ಕಾರ್ಪೊರೇಷನ್ ಕಚೇರಿ ಆವರಣ
- ಪ್ಯಾಲೇಸ್ ಮೈದಾನ (ಗೇಟ್ 2, 3 ಮತ್ತು 4)
ಭಾರಿ ವಾಹನಗಳಿಗೆ ನಿರ್ಬಂಧ
ಮಧ್ಯಾಹ್ನ 2.00 ಗಂಟೆಯಿಂದ ರಾತ್ರಿ 10.00 ಗಂಟೆಯವರೆಗೆ ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಭಾರಿ ವಾಹನಗಳ ಸಂಚಾರ ಸಂಪೂರ್ಣ ನಿಷೇಧಿಸಲಾಗಿದೆ.