ಪಾಕ್‌ನಲ್ಲಿ ರಾಮಮಂದಿರ: ಭಾರತದಿಂದ ಗಂಗಾಜಲ ತೆಗೆದುಕೊಂಡು ಹೋದ ಅರ್ಚಕ

ಇಸ್ಲಾಮಾಬಾದ್: ಅಯೋಧ್ಯೆಯಲ್ಲಿ ಭವ್ಯ ರಾಮಮಂದಿರ ಉದ್ಘಾಟನೆಯ ಸದ್ದು ಜಗತ್ತಿನಾದ್ಯಂತ ಹರಡಿದೆ. ಲಕ್ಷಾಂತರ ಭಕ್ತರು ಪ್ರತಿದಿನವೂ ರಾಮಲಲ್ಲಾನ ದರ್ಶನಕ್ಕಾಗಿ ಅಯೋಧ್ಯೆ ಪ್ರವಾಸ ಮಾಡುತ್ತಿದ್ದಾರೆ. ಈ ಮಧ್ಯೆ ಪಾಕಿಸ್ತಾನದ ಹಿಂದೂ ಸಮುದಾಯದವರಿಗೂ ರಾಮಮಂದಿರದ ಮಹತ್ವ ತಿಳಿಯುತ್ತಿದೆ. ಭಾರತ-ಪಾಕಿಸ್ತಾನ ನಡುವಿನ ರಾಜಕೀಯ ಉದ್ವಿಗ್ನತೆ ಇರುವಾಗಲೇ, ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದಲ್ಲಿ ರಾಮಮಂದಿರ ನಿರ್ಮಾಣವಾಗುತ್ತಿದ್ದು ಎಲ್ಲರ ಗಮನ ಸೆಳೆಯುತ್ತಿದೆ.

ಥಾರ್‌ಪಾರ್ಕರ್‌ನಲ್ಲಿ ಭವ್ಯ ರಾಮಮಂದಿರ

ಬಾಂಗ್ಲಾ ಚುನಾವಣೆಯಲ್ಲಿ ಬಿಎನ್‌ಪಿ ಭರ್ಜರಿ ಗೆಲುವು: ತಾರಿಕ್ ರೆಹಮಾನ್‌ಗೆ ಪ್ರಧಾನಿ ಮೋದಿ ಅಭಿನಂದನೆ

ರಷ್ಯಾದಲ್ಲಿ ವಾಟ್ಸಾಪ್‌ ಬ್ಯಾನ್‌: 10 ಕೋಟಿ ಬಳಕೆದಾರರಿಗೆ ಬಿಗ್ ಶಾಕ್

ಭಾರತಕ್ಕೆ ಬಾರದ ಹೊರತು ನಿಮ್ಮ ಅರ್ಜಿಯ ವಿಚಾರಣೆ ಅಸಾಧ್ಯ: ವಿಜಯ್ ಮಲ್ಯಗೆ ಬಾಂಬೆ ಹೈಕೋರ್ಟ್ ವಾರ್ನಿಂಗ್

ಜಾಹ್ನವಿ ಕಂದುಲಾ ಪ್ರಕರಣ: ವಿದ್ಯಾರ್ಥಿನಿ ಕುಟುಂಬಕ್ಕೆ ₹262 ಕೋಟಿ ಪರಿಹಾರ

ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದ ಥಾರ್‌ಪಾರ್ಕರ್ ಜಿಲ್ಲೆಯ ಒಂದು ಹಳ್ಳಿಯಲ್ಲಿ ರಾಮಮಂದಿರವನ್ನು ನಿರ್ಮಿಸಲಾಗುತ್ತಿದೆ. ಈ ನಿರ್ಮಾಣ ಸ್ಥಳೀಯ ಹಿಂದೂ ಸಮುದಾಯದಲ್ಲಿ ಹೆಮ್ಮೆಯ ವಿಷಯವಾಗಿದೆ. ವ್ಲಾಗರ್ ಮಾಖನ್ ರಾಮ್ ಈ ಸಂಗತಿಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಮಂದಿರ ನಿರ್ಮಾಣ ಕಾರ್ಯದಲ್ಲಿ ಅರ್ಚಕ ಥಾರುರಾಮ್ ಪ್ರಮುಖ ಪಾತ್ರವಹಿಸಿದ್ದಾರೆ.

ಅಯೋಧ್ಯೆಯಿಂದ ಗಂಗಾಜಲ ತರಿಸಿದ ಅರ್ಚಕ

ಅರ್ಚಕ ಥಾರುರಾಮ್ ಇತ್ತೀಚೆಗೆ ಭಾರತದ ಅಯೋಧ್ಯೆಗೆ ಭೇಟಿ ನೀಡಿ, ಅಲ್ಲಿನ ರಾಮಮಂದಿರ ದರ್ಶನ ಪಡೆದಿದ್ದಾರೆ. ತಮ್ಮ ಯಾತ್ರೆಯ ವೇಳೆ ಅವರು ಗಂಗಾ ನದಿಯಿಂದ ಜಲವನ್ನು ತೆಗೆದುಕೊಂಡು ಬಂದಿದ್ದು, ಅದನ್ನು ಪಾಕಿಸ್ತಾನದಲ್ಲಿ ನಿರ್ಮಾಣವಾಗುತ್ತಿರುವ ರಾಮಮಂದಿರದಲ್ಲಿ ಶುದ್ಧೀಕರಣ ಹಾಗೂ ಪೂಜಾ ಕಾರ್ಯಗಳಿಗೆ ಬಳಸಲಾಗುತ್ತಿದೆ.

ಗಂಗಾ ಮಾತೆಯ ಆಶೀರ್ವಾದ ಕೇಳಿದ ಅರ್ಚಕ

ಅರ್ಚಕ ಥಾರುರಾಮ್ ತಮ್ಮ ಅಯೋಧ್ಯೆ ಯಾತ್ರೆ ಬಗ್ಗೆ ಮಾತನಾಡುತ್ತಾ, “ನಾನು ರಾಮಲಲ್ಲಾ ಬಳಿ ಪ್ರಾರ್ಥಿಸಿ, ನಮ್ಮ ಹಳ್ಳಿಗೂ ಇಂತಹ ಒಂದು ಮಂದಿರದ ಆಶೀರ್ವಾದ ದಯಪಾಲಿಸಬೇಕು ಎಂದು ಬೇಡಿಕೊಂಡೆ,” ಎಂದು ತಿಳಿಸಿದರು. ಈ ಪ್ರಾರ್ಥನೆ ಫಲವಾಗಿ ಇಂದು ಅವರ ಹಳ್ಳಿಯಲ್ಲಿ ಭವ್ಯ ರಾಮಮಂದಿರ ನಿರ್ಮಾಣವಾಗುತ್ತಿದೆ ಎನ್ನಲಾಗಿದೆ.

ಮಂದಿರ ನಿರ್ಮಾಣದ ಪ್ರಗತಿ

ಮಂದಿರದ ನಿರ್ಮಾಣಕ್ಕೆ ಸುಮಾರು ಆರು ತಿಂಗಳುಗಳ ಹಿಂದೆ ಚಾಲನೆ ನೀಡಲಾಗಿದ್ದು, ಈಗ ಅದರ ಪ್ರಮುಖ ಭಾಗಗಳು ಪೂರ್ಣಗೊಂಡಿವೆ. ಬೌಂಡರಿ ಗೋಡೆ, ಸಭಾಂಗಣ ಹಾಗೂ ಒಳಾಂಗಣದ ಕೆಲವು ನಿರ್ಮಾಣ ಕಾರ್ಯಗಳು ಪೂರ್ಣ ಹಂತದಲ್ಲಿವೆ. ಈಗ ಮೂರ್ತಿಯ ಪ್ರಾಣ ಪ್ರತಿಷ್ಠಾಪನೆ ಮಾತ್ರ ಬಾಕಿಯಾಗಿದೆ ಎಂದು ಮಾಖನ್ ರಾಮ್ ತಿಳಿಸಿದ್ದಾರೆ.

ರಾಮ ದರ್ಬಾರ್‌ ಜೂನ್‌ನಲ್ಲಿ ಭಕ್ತರಿಗೆ ಲಭ್ಯ

ಅಯೋಧ್ಯೆಯ ರಾಮಮಂದಿರದಲ್ಲಿಯ ‘ರಾಮ ದರ್ಬಾರ್‌’ ಸಹ ಮುಂದಿನ ತಿಂಗಳು, ಜೂನ್ 6 ರಿಂದ ಭಕ್ತರ ಪ್ರವೇಶಕ್ಕೆ ಸಿದ್ದಗೊಳ್ಳುತ್ತಿದೆ. ನಿರ್ಮಾಣ ಸಮಿತಿಯ ಮುಖ್ಯಸ್ಥ ನೃಪೇಂದ್ರ ಮಿಶ್ರಾ ಈ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ರಾಮ, ಸೀತೆ, ಲಕ್ಷ್ಮಣ, ಭರತ, ಶತ್ರುಘ್ನ ಮತ್ತು ಹನುಮಂತನ 5 ಅಡಿ ಎತ್ತರದ ಮೂರ್ತಿಗಳನ್ನು ಮೇ 23 ರಂದು ಸ್ಥಾಪಿಸಲಾಗುವುದು. ಈ ಕಾರ್ಯದ ಬಳಿಕ ಜೂನ್ 5ರ ವರೆಗೆ ವಿಭಿನ್ನ ಪೂಜೆಗಳು ನಡೆಯಲಿವೆ.

ಈ ಘಟನೆ ಪಾಕಿಸ್ತಾನ ಮತ್ತು ಭಾರತದ ಜನತೆಯ ನಡುವೆ ಸಂಸ್ಕೃತಿಯ ಸೇತುವೆಯಂತಿದೆ. ಧರ್ಮ, ನಂಬಿಕೆ ಮತ್ತು ಭಕ್ತಿಯ ಈ ಪ್ರವಾಹ ಯಾವುದೇ ರಾಜಕೀಯ ಗಡಿಗಳನ್ನು ಮೀರಿ ಹರಿಯುತ್ತದೆ ಎಂಬುದಕ್ಕೆ ಪಾಕಿಸ್ತಾನದಲ್ಲಿ ನಿರ್ಮಾಣವಾಗುತ್ತಿರುವ ರಾಮಮಂದಿರ ಹಾಗೂ ಗಂಗಾಜಲದ ಬಳಕೆಯು ಉದಾಹರಣೆಯಾಗಿದೆ.