ಮೈಸಾ ಸಿನಿಮಾದಲ್ಲಿ ರಾ ಆಕ್ಷನ್ ಹಾಗೂ ರಕ್ತಸಿಕ್ತ ಪಾತ್ರದಲ್ಲಿ ರಶ್ಮಿಕಾ ಮಂದಣ್ಣ ಪ್ರೇಕ್ಷಕರ ಮುಂದೆ ಕಾಣಿಸಿಕೊಂಡರೆ, ಇತ್ತ ಬಾವಿಪತಿ ವಿಜಯ್ ದೇವರಕೊಂಡ ಕೂಡ ‘ರೌಡಿ ಜನಾರ್ದನ’ ಸಿನಿಮಾದಲ್ಲಿ ಅದೇ ರೀತಿ ರಕ್ತಸಿಕ್ತ, ರಾ ಆಕ್ಷನ್ ರೂಪದಲ್ಲಿ ಅಬ್ಬರಿಸಲು ಸಜ್ಜಾಗಿದ್ದಾರೆ. ಒಂದೇ ವರ್ಷದಲ್ಲಿ ಬಾವಿ ಸತಿಪತಿ ಇಬ್ಬರೂ ಭರ್ಜರಿ ಆಕ್ಷನ್ ಸಿನಿಮಾಗಳ ಮೂಲಕ ಪ್ರೇಕ್ಷಕರ ಮುಂದೆ ಬರುವುದೇ ಸಿನಿರಸಿಕರ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದೆ.
ಸಿಕಂದರ್, ಥಾಮಾ,ಚಾವಾ, ಕಿಂಗ್ಡಮ್,ಮತ್ತು ದಿ ಗರ್ಲ್ ಫ್ರೆಂಡ್ ನಂತಹ ಚಿತ್ರಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸಿರುವ ರಶ್ಮಿಕಾ ಮಂದಣ್ಣ ಮುಂದಿನ ಪ್ರಾಜೆಕ್ಟ್ ಮೈಸಾ ಎಂಬ ಆಕ್ಷನ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನು ಸದಾ ವಿಭಿನ್ನ ಪಾತ್ರಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸುವ ಸೌತ್ ಸ್ಟಾರ್ ವಿಜಯ್ ದೇವರಕೊಂಡ ‘ರೌಡಿ ಜನಾರ್ದನ’ ಸಿನಿಮಾ ಮೂಲಕ ಆಕ್ಷನ್ ರೂಪ ತಾಳಿದ್ದಾರೆ.
ರಾ & ರಕ್ತಸಿಕ್ತ ಆಕ್ಷನ್ ಅವತಾರದಲ್ಲಿ ಟಾಲಿವುಡ್ ಕಪಲ್
ರಕ್ತಪಾತದಲ್ಲಿ ಭಾವಿ ಸತಿ-ಪತಿ.. ರಶ್ಮಿಕಾ-ವಿಜಿ ರಕ್ತದೋಕುಳಿ
ಎಸ್, ನಿನ್ನೆಯಷ್ಟೇ ರಶ್ಮಿಕಾ ಅಭಿನಯದ ಮೈಸಾ ಚಿತ್ರದ ಫಸ್ಟ್ ಗ್ಲಿಂಪ್ಸ್ ರಿಲೀಸ್ ಆಗಿದೆ. ಒಂದು ಕೈಯಲ್ಲಿ ಬೇಡಿ.. ಇನ್ನೊಂದು ಕೈಯಲ್ಲಿ ಪಿಸ್ತುಲ್ ಮೈತುಂಬಾ ರಕ್ತ.. ಮುಖದಲ್ಲಿ ಆವೇಶ ಪಕ್ಕಾ ರಾ ಲುಕ್ ನಲ್ಲಿ ರಶ್ಮಿಕಾ ಅಬ್ಬರಿಸಿದ್ದಾರೆ. ಇನ್ನು ವಿಜಯ್ ಅಭಿನಯಿಸುತ್ತಿರುವ ರೌಡಿ ಜನಾರ್ದನ ಚಿತ್ರದ ಶೀರ್ಷಿಕೆಯ ‘ಗ್ಲಿಂಪ್ಸ್’ ಇಂದು ಬಿಡುಗಡೆ ಮಾಡಲಾಗಿದೆ.
‘ರೌಡಿ ಜನಾರ್ದನ’ ಟೈಟಲ್ ಗ್ಲಿಂಪ್ಸ್ ಔಟ್..!
2026ಕ್ಕೆ ಬರ್ತಿದೆ ರಶ್ಮಿಕಾ ‘ಮೈಸಾ’..ವಿಜಯ್ ‘ರೌಡಿ ಜನಾರ್ದನ’
ರಾಜಾ ವಾರು ರಾಣಿ ಗಾರು ಚಿತ್ರದ ನಿರ್ದೇಶಕ ರವಿ ಕಿರಣ್ ಕೋಲಾ ರೌಡಿ ಬಾಯ್ ಗೆ ನಿರ್ದೇಶಿಸುತ್ತಿದ್ದಾರೆ. ರಕ್ತಸಿಕ್ತ ಹಾಗೂ ರಾ ಆಕ್ಷನ್ ಕಥಾಹಂದರ ಹೊಂದಿರುವ ಈ ಗ್ಲಿಂಪ್ಸ್, ಪ್ರೇಕ್ಷಕರಲ್ಲಿ ಚಿತ್ರದ ಬಗ್ಗೆ ಕುತೂಹಲವನ್ನು ಹೆಚ್ಚಿಸಿದೆ. ವಿಜಯ್ ದೇವರಕೊಂಡ ಈ ಹಿಂದೆಂದೂ ಕಾಣದ ಮಾಸ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, ವಿಭಿನ್ನ ಸ್ಲಾಂಗ್ ಮತ್ತು ಮ್ಯಾನರಿಸಂ ಅಭಿಮಾನಿಗಳಿಗೆ ಹೊಸ ಅನುಭವ ನೀಡಲಿದೆ.
ಗ್ಲಿಂಪಸ್ನಲ್ಲಿ ವಿಜಯ್ ದೇವರಕೊಂಡ ಅವರು ರಕ್ತಸಿಕ್ತ ಮೈಕಟ್ಟು, ಕೈಯಲ್ಲಿ ಮಚ್ಚು ಹಿಡಿದು ಅಬ್ಬರಿಸುತ್ತಿದ್ದು, ಅವರ ತೀಕ್ಷ್ಣ ಕಣ್ಣೋಟ ಮತ್ತು ಪವರ್ಫುಲ್ ಸ್ಕ್ರೀನ್ ಪ್ರೆಸೆನ್ಸ್ ಚಿತ್ರದ ಮೇಲಿನ ನಿರೀಕ್ಷೆಯನ್ನು ದುಪ್ಪಟ್ಟುಗೊಳಿಸಿದೆ. 1980ರ ಕಾಲಘಟ್ಟದ ಪೂರ್ವ ಗೋದಾವರಿ ಜಿಲ್ಲೆಯ ಹಿನ್ನೆಲೆಯಲ್ಲಿ ಈ ಸಿನಿಮಾ ಸಾಗಲಿದ್ದು, ವಿಜಯ್ ಈ ಚಿತ್ರಕ್ಕಾಗಿ ವಿಶೇಷವಾಗಿ ಗೋದಾವರಿ ಸ್ಲಾಂಗ್ ಬಳಸಿದ್ದಾರೆ.
ಒಟ್ಟಾರೆ ಭಾವಿ ಸತಿ ಪತಿ ಇಬ್ಬರ ಸಿನಿಮಾನು ಮುಂದಿನ ವರ್ಷ 2026ಕ್ಕೆ ಬಿಡುಗಡೆ ಆಗ್ತಿದ್ದು ಇಬ್ಬರ ಮದುವೆ ಬಗ್ಗೆನೂ ಜೋರಾಗಿ ಚರ್ಚೆ ನಡೀತಿದೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
| Reported by: ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
