ಬಾಲಿವುಡ್ನ ಸುಲ್ತಾನ್ ಸಲ್ಮಾನ್ ಖಾನ್ ಅಖಾಡದಲ್ಲಿ ಈಗ ಬಿಗ್ ಬಾಂಬ್ ಒಂದ ವಿಸ್ಫೋಟಗೊಂಡಿದೆ. ಬಾಕ್ಸ್ ಆಫೀಸ್ ಆಳುವ ಸಲ್ಲು ಭಾಯ್ ಮಾಡಿರೋ ಆ ಒಂದು ನಿರ್ಧಾರ ಇಡೀ ಇಂಡಸ್ಟ್ರಿಯನ್ನೇ ಶೇಕ್ ಮಾಡಿದೆ. ಕೇವಲ ಕೋಟಿಗಳ ಲೆಕ್ಕಾಚಾರವಲ್ಲ, ಸಲ್ಮಾನ್ ಅವರ ಈ ನಡೆಯ ಹಿಂದೆ ಗೇಮ್ ಚೇಂಜರ್ ಮಾಸ್ಟರ್ ಪ್ಲಾನ್ ಇದೆ. ಅಷ್ಟಕ್ಕೂ ಸಿನಿರಂಗವನ್ನು ಗಲಿಬಿಲಿಗೊಳಿಸಿದ ಆ ಬಿಗ್ ನ್ಯೂಸ್ ಏನು? ಗೆಳೆಯನಿಗಾಗಿ ಸಲ್ಲು ಮಾಡಿದ ಆ ತ್ಯಾಗವಾದ್ರೂ ಏನು? ಹ್ಯಾವ್ ಎ ಲುಕ್.
- 120 ಕೋಟಿಯಿಂದ 70 ಕೋಟಿಗೆ ಇಳಿದ ಸಲ್ಲು ಸಂಭಾವನೆ
- ಗೆಳೆಯನಿಗಾಗಿ ಸ್ಪೆಷಲ್ ಡಿಸ್ಕೌಂಟ್ ಕೊಟ್ಟ ಸಲ್ಮಾನ್ ಖಾನ್
- ಬಾಲಿವುಡ್ ಸುಲ್ತಾನ್ ಹೊಸ ಸ್ಟ್ರಾಟೆಜಿ ಏನು ಗೊತ್ತಾ..?
- ಬೋಳು ತಲೆಯ ಖಡಕ್ ಪೊಲೀಸ್ ಆಗಿ ಸಲ್ಲು ಭಾಯ್
ಬಾಲಿವುಡ್ ಅಂಗಳದಲ್ಲಿ ಪ್ರತಿಯೊಂದು ಸಿನಿಮಾಗೂ ಬರೋಬ್ಬರಿ 120 ಕೋಟಿ ಚಾರ್ಜ್ ಮಾಡುತ್ತಿದ್ದ ‘ಸುಲ್ತಾನ್’ ಸಲ್ಮಾನ್ ಖಾನ್, ಈಗ ತಮ್ಮ ಪೇ-ಚೆಕ್ನಲ್ಲೇ ಭಾರಿ ಕಟ್ ಮಾಡಿಕೊಂಡು ಶಾಕ್ ಕೊಟ್ಟಿದ್ದಾರೆ. ತೆಲುಗಿನ ಮಾಸ್ ನಿರ್ದೇಶಕ ವಂಶಿ ಪೈಡಿಪಲ್ಲಿ ಮತ್ತು ಖ್ಯಾತ ನಿರ್ಮಾಪಕ ದಿಲ್ ರಾಜು ಕಾಂಬಿನೇಷನ್ನಲ್ಲಿ ಮೂಡಿಬರುತ್ತಿರುವ ಬಹುನಿರೀಕ್ಷಿತ ‘SVC63’ ಚಿತ್ರಕ್ಕಾಗಿ ಸಲ್ಲು ಭಾಯ್ ಕೇವಲ ೭೦ ಕೋಟಿಗೆ ಸೈನ್ ಮಾಡಿದ್ದಾರೆ ಎನ್ನುವ ಸುದ್ದಿ ಹಲ್ಚಲ್ ಎಬ್ಬಿಸಿದೆ. ಇತ್ತೀಚಿನ ಸಿನಿಮಾಗಳ ಬಾಕ್ಸ್ ಆಫೀಸ್ ಟ್ರೆಂಡ್ ಮತ್ತು ಮಾರ್ಕೆಟ್ ಸ್ಥಿತಿಗತಿಯನ್ನು ಮನಸ್ಸಿನಲ್ಲಿಟ್ಟುಕೊಂಡು, ಪ್ರೊಡ್ಯೂಸರ್ ಮೇಲೆ ಹೊರೆಯಾಗಬಾರದೆಂಬ ಕಾರಣಕ್ಕೆ ಸಲ್ಮಾನ್ ಈ ಬೋಲ್ಡ್ ಮೂವ್ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಅಷ್ಟೇ ಅಲ್ಲ, ಸಂಭಾವನೆ ಕಡಿತಗೊಳಿಸಿದರೂ ಲಾಭದಲ್ಲಿ ದೊಡ್ಡ ಪಾಲನ್ನೇ ಗಿಟ್ಟಿಸಿಕೊಳ್ಳಲು ಪ್ಲಾನ್ ಮಾಡಿದ್ದಾರೆ ಎನ್ನುವ ಟಾಕ್ ಕೂಡ ಜೋರಾಗಿದೆ.
ಅಂದಹಾಗೆ, ಈ ಮೆಗಾ ಪ್ರಾಜೆಕ್ಟ್ ಹಿಂದೆ ಸಲ್ಮಾನ್ ಖಾನ್ ಅವರ ಅತ್ಯಾಪ್ತ ಗೆಳೆಯ ರಫಿ ಕಾಜಿ ಅವರ ಮಾಸ್ಟರ್ ಮೈಂಡ್ ಕೆಲಸ ಮಾಡಿದೆ. ‘SVC63’ ಚಿತ್ರಕ್ಕೆ ರಫಿ ಕಾಜಿ ಸಹ-ನಿರ್ಮಾಪಕರಾಗಿ ಎಂಟ್ರಿ ಕೊಡುತ್ತಿದ್ದು, ಕೇವಲ ಗೆಳೆಯನ ಮೇಲಿರುವ ಅಪಾರ ಗೌರವ ಮತ್ತು ಗಟ್ಟಿ ಸ್ನೇಹಕ್ಕಾಗಿ ಸಲ್ಮಾನ್ ತಮ್ಮ ಕೋಟಿ ಕೋಟಿ ಚಾರ್ಜ್ನಲ್ಲಿ ಬೃಹತ್ ರಿಯಾಯಿತಿ ನೀಡಿದ್ದಾರೆ. ಸ್ನೇಹಕ್ಕಾಗಿ ಎಂತಹ ತ್ಯಾಗಕ್ಕೂ ಸಿದ್ಧ ಎನ್ನುವುದನ್ನು ಸಲ್ಮಾನ್ ಖಾನ್ ಮತ್ತೊಮ್ಮೆ ಸಾಬೀತುಪಡಿಸಿದ್ದು, ಗೆಳೆಯನ ಹೊಸ ಸಾಹಸಕ್ಕೆ ಬ್ಯಾಕ್ ಬೋನ್ ಆಗಿ ನಿಂತಿದ್ದಾರೆ. ಶೂಟಿಂಗ್ ಹಂತದಲ್ಲೇ ಕೋಟಿ ಕೋಟಿ ಬಜಾರ್ ಮಾಡುತ್ತಿರುವ ಈ ಸಿನಿಮಾ, ಸದ್ಯದಲ್ಲೇ ಬಾಕ್ಸ್ ಆಫೀಸ್ ಲೆಕ್ಕಾಚಾರಗಳನ್ನು ಉಲ್ಟಾ-ಪಲ್ಟಾ ಮಾಡುವುದು ಗ್ಯಾರಂಟಿ.
ಸಂಭಾವನೆ ಸೌಂಡ್ ಒಂದು ಕಡೆಯಾದರೆ, ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಕಾಣಿಸಿಕೊಳ್ಳಲಿರುವ ಲುಕ್ ಕಾಲಿವುಡ್ನಿಂದ ಬಾಲಿವುಡ್ವರೆಗೆ ಕಿಚ್ಚು ಹೊತ್ತಿಸಿದೆ. ಇದೇ ಮೊದಲ ಬಾರಿಗೆ ಸಲ್ಮಾನ್ ಖಾನ್ ಬೋಳು ತಲೆಯ ಕಂಪ್ಲೀಟ್ ಮಾಸ್ ಆವತಾರದಲ್ಲಿ ಖಡಕ್ ಪೋಲಿಸ್ ಅಧಿಕಾರಿಯಾಗಿ ಅಬ್ಬರಿಸಲಿದ್ದಾರೆ. ಇನ್ನು ಇವರಿಗೆ ಜೋಡಿಯಾಗಿ ದಕ್ಷಿಣ ಭಾರತದ ಲೇಡಿ ಸೂಪರ್ಸ್ಟಾರ್ ನಯನತಾರಾ ಕದನ ಕಣಕ್ಕಿಳಿಯುತ್ತಿದ್ದು, ಸೌತ್-ನಾರ್ತ್ನ ಈ ಡೆಡ್ಲಿ ಕಾಂಬಿನೇಷನ್ ಬೆಳ್ಳಿಪರದೆಯನ್ನೇ ಶೇಕ್ ಮಾಡಲು ರೆಡಿಯಾಗಿದೆ. ಸದ್ಯದಲ್ಲೇ ಹೊರಬರಲಿರುವ ಸಲ್ಮಾನ್ ಖಾನ್ ಫಸ್ಟ್ ಲುಕ್ ಪೋಸ್ಟರ್ಗಾಗಿ ಫ್ಯಾನ್ಸ್ ಕಾತರದಿಂದ ಕಾಯುತ್ತಿದ್ದಾರೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್