ಕಾಂತಾರ ಚಾಪ್ಟರ್‌-1: ರಾಜ್ಯಾದ್ಯಂತ ಮೊದಲ ದಿನವೇ ಟಿಕೆಟ್‌ ಸೋಲ್ಡ್ ಔಟ್

Untitled design 2025 10 02t061530.584

ಕಾಂತಾರ ಚಾಪ್ಟರ್ 1 ಸಿನಿಮಾ ಭಾರತದಲ್ಲಿ7,000ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ಮತ್ತು ಭಾರತದಾಚೆಗೂ ಬಿಡುಗಡೆಯಾಗಿದೆ. ಕರ್ನಾಟಕದ 350ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಪ್ರೀಮಿಯರ್‌ ಶೋ ಚಿತ್ರವನ್ನು ಪ್ರದರ್ಶಿಸಲಾಗಿದೆ. ಮೊದಲ ದಿನದಂದು ಭಾರತದಾದ್ಯಂತ 2,000ಕ್ಕೂ ಹೆಚ್ಚು ಪ್ರದರ್ಶನಗಳು ನಿಗದಿಯಾಗಿದ್ದು, ಇದರಲ್ಲಿ ಬೆಂಗಳೂರಿನ ವೀರೇಶ್, ಸಂತೋಷ್ ಥಿಯೇಟರ್, ಸೂಪರ್‌ಫ್ಲೆಕ್ಸ್ ಫೋರಮ್ ಮಾಲ್ ಮತ್ತು ಮಾಲ್ ಆಫ್ ಏಷ್ಯಾ ಸೇರಿದಂತೆ ಹಲವಾರು ಮಲ್ಟಿಪ್ಲೆಕ್ಸ್ಗಳಲ್ಲಿ ಬೆಳಗ್ಗೆ 6:30ಕ್ಕೆ ಮೊದಲ ಶೋ ಪ್ರಾರಂಭವಾಗಿದೆ.

ಚಿತ್ರದ ಬಿಡುಗಡೆಗೂ ಮುನ್ನವೇ ಟಿಕೆಟ್ ಬುಕಿಂಗ್ ಅತೀ ವೇಗವಾಗಿ ನಡೆದು ಹಲವಾರು ಪ್ರದರ್ಶನಗಳು ಸೋಲ್ಡ್ ಔಟ್ ಸ್ಥಿತಿಯಲ್ಲಿವೆ.

ಟಿಕೆಟ್ ಬುಕಿಂಗ್ ಹೀಗಿದೆ:

ಚಿತ್ರದ ಬಿಡುಗಡೆಗೆ ಮುನ್ನ ಅಕ್ಟೋಬರ್ 1ರಂದು ವಿಶ್ವಾದ್ಯಂತ 2,500ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ನಡೆದ ಪೇಯ್ಡ್ ಪ್ರೀಮಿಯರ್ ಶೋ ಸಾರ್ವಕಾಲಿಕ ದಾಖಲೆಯನ್ನು ನಿರ್ಮಿಸಿದೆ. ಈ ಪ್ರೀಮಿಯರ್ ಶೋಗಳಿಂದಲೇ ನಿರ್ಮಾಪಕರಿಗೆ ಗಣನೀಯ ಮೊತ್ತದ ಆದಾಯವಾಗುವ ಸಾಧ್ಯತೆ ಇದೆ.

ಮೊದಲ ‘ಕಾಂತಾರ’ ಚಿತ್ರವನ್ನು ಕೇವಲ 16 ಕೋಟಿ ರೂಪಾಯಿಗಳಲ್ಲಿ ನಿರ್ಮಿಸಿದ್ದರೆ, ಕಾಂತಾರ ಚಾಪ್ಟರ್ 1’ ಚಿತ್ರ 125 ಕೋಟಿ ರೂಪಾಯಿ ದೊಡ್ಡ ಬಜೆಟ್‌ನಲ್ಲಿ ನಿರ್ಮಾಣವಾಗಿದೆ. ಅನೇಕ ಪ್ರಮುಖ ದೃಶ್ಯಗಳನ್ನು IMAX ಮತ್ತು PXL ಫಾರ್ಮ್ಯಾಟ್‌ಗಳಿಗಾಗಿ ನಿರ್ದಿಷ್ಟವಾಗಿ ಚಿತ್ರೀಕರಿಸಲಾಗಿದೆ. ಇನ್ನೂ ಚಿತ್ರದಲ್ಲಿ ರಿಷಬ್ ಶೆಟ್ಟಿ, ರುಕ್ಮಿಣಿ ವಸಂತ್, ತಮಿಳು ನಟ ಜಯರಾಂ ಹಾಗೂ ಬಾಲಿವುಡ್ ನಟ ಗುಲ್ಶನ್ ದೇವಯ್ಯ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

Exit mobile version