ಬೆಂಗಳೂರು ಆ 25: ರಕ್ಷಾಬಂಧನ ಹಬ್ಬ ಸಮೀಪಿಸುತ್ತಿದ್ದಂತೆ ಮಾರುಕಟ್ಟೆಯಲ್ಲಿ ಹೊಸ ಟ್ರೆಂಡ್ ಶುರುವಾಗಿದೆ. ಸಹೋದರನ ಕೈಗೆ ಕಟ್ಟಲು ಕೇವಲ ಸಾಧಾರಣ ದಾರದ ರಾಖಿಗಳಿಗಿಂತ, ಆಭರಣದ ವಿನ್ಯಾಸದ ಮತ್ತು ಪ್ರೀಮಿಯಂ ಬೆಳ್ಳಿಯ ರಾಖಿಗಳನ್ನು ಖರೀದಿಸಲು ಜನರು ಹೆಚ್ಚಿನ ಆಸಕ್ತಿ ತೋರುತ್ತಿದ್ದಾರೆ.
ಜನಪ್ರಿಯ ಕ್ವಿಕ್ ಕಾಮರ್ಸ್ ಪ್ಲಾಟ್ಫಾರ್ಮ್ ಇನ್ಸ್ಟಾಮಾರ್ಟ್ನಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಪ್ರೀಮಿಯಂ ರಾಖಿಗಳ ಬೇಡಿಕೆ ಬರೋಬ್ಬರಿ 20 ಪಟ್ಟು ಹೆಚ್ಚಾಗಿದೆ. ಒಟ್ಟಾರೆ ರಾಖಿ ಮತ್ತು ಗಿಫ್ಟಿಂಗ್ ಮಾರುಕಟ್ಟೆ ಈ ವರ್ಷ 3 ಪಟ್ಟು ಬೆಳೆಯುವ ನಿರೀಕ್ಷೆ ಇದೆ.
ಯಾವೆಲ್ಲಾ ಬ್ರ್ಯಾಂಡ್ಗಳಿಗೆ ಬೇಡಿಕೆ?
ಗ್ರಾಹಕರ ಈ ಹೊಸ ಅಭಿರುಚಿಗೆ ತಕ್ಕಂತೆ ಇನ್ಸ್ಟಾಮಾರ್ಟ್ ಈಗ ಸ್ವರೋವ್ಸ್ಕಿ, ಗಿವಾ, ನೆಸ್ಟಾಸಿಯಾ, ಕಲ್ಯಾಣ್ ಜ್ಯುವೆಲ್ಲರ್ಸ್ ಮತ್ತು ಪಾಲ್ಮೋನಾಸ್ನಂತಹ ಪ್ರಮುಖ ಬ್ರ್ಯಾಂಡ್ಗಳ ಪ್ರೀಮಿಯಂ ರಾಖಿಗಳನ್ನು ಪರಿಚಯಿಸಿದೆ.
ಕಲ್ಯಾಣ್ ಜ್ಯುವೆಲ್ಲರ್ಸ್ನ 1 ಗ್ರಾಂ ಬೆಳ್ಳಿಯ 925 ತ್ರಿಪುಂಡ್ರ ತ್ರಿಶೂಲ್ ಮತ್ತು 925 ಗಣೇಶ್ ರಾಖಿಗಳು ಟಾಪ್ ಟ್ರೆಂಡಿಂಗ್ನಲ್ಲಿವೆ.
ಇನ್ನು ಪಾಲ್ಮೋನಾಸ್ನ ನೀರು ತಾಗಿದರೂ ಹಾಳಾಗದ, ಕಪ್ಪಾಗದ ಡಿವೈನ್ ಲೋಟಸ್, ಡಿವೈನ್ ಓಂ ಮತ್ತು ಸರ್ಕಲ್ ಆಫ್ ಲವ್ ರಾಖಿಗಳನ್ನು ಜನ ಮುಗಿಬಿದ್ದು ಖರೀದಿಸುತ್ತಿದ್ದಾರೆ.
ಗ್ರಾಹಕರಿಗೆ ಬಂಪರ್ ಆಫರ್ಗಳು!
ಈ ಬಾರಿ ಹಬ್ಬದ ಕಳೆ ಹೆಚ್ಚಿಸಲು ಇನ್ಸ್ಟಾಮಾರ್ಟ್ ಭರ್ಜರಿ ಆಫರ್ಗಳನ್ನು ಸಹ ಘೋಷಿಸಿದೆ. ನಟಿ ಶ್ರದ್ಧಾ ಕಪೂರ್ ರಾಯಭಾರಿಯಾಗಿರುವ ಪಾಲ್ಮೋನಾಸ್ ರಾಖಿ ಖರೀದಿಸುವ ಗ್ರಾಹಕರಿಗೆ, ದೇಶಾದ್ಯಂತ ಇರುವ ಪಾಲ್ಮೋನಾಸ್ ಶೋರೂಮ್ಗಳಲ್ಲಿ 3,499 ರೂ. ಬೆಲೆಬಾಳುವ ಡೈಮಂಡ್ ಅಫೇರ್ಸ್ ಬ್ರೇಸ್ಲೆಟ್ ಅನ್ನು ಉಚಿತವಾಗಿ ಪಡೆಯುವ ಅವಕಾಶವಿದೆ.
ಇನ್ಸ್ಟಾಮಾರ್ಟ್ ಮೂಲಕ ಕಲ್ಯಾಣ್ ಜ್ಯುವೆಲ್ಲರ್ಸ್ ರಾಖಿ ಖರೀದಿಸುವ ಪ್ರತಿಯೊಬ್ಬರಿಗೂ 10 ಗ್ರಾಂ ಬೆಳ್ಳಿಯ ವೋಚರ್ ಉಚಿತವಾಗಿ ಸಿಗಲಿದೆ.
ಸಣ್ಣ ನಗರಗಳಲ್ಲೂ ಪ್ರೀಮಿಯಂ ಕ್ರೇಜ್, ಗಿಫ್ಟ್ಗಳಿಗೆ ಡಿಮ್ಯಾಂಡ್
ಕೇವಲ ಮೆಟ್ರೋ ನಗರಗಳು ಮಾತ್ರವಲ್ಲದೆ ಲಕ್ನೋ, ಅಹಮದಾಬಾದ್, ಭುವನೇಶ್ವರ ಮತ್ತು ಚಂಡೀಗಢದಂತಹ ಟಿಯರ್ 2 ನಗರಗಳಲ್ಲೂ ದುಬಾರಿ ಮತ್ತು ವೈಯಕ್ತೀಕರಿಸಿದ ರಾಖಿಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ.
ರಾಖಿ ಮಾತ್ರವಲ್ಲದೆ, ಅಣ್ಣ-ತಮ್ಮಂದಿರು ತಮ್ಮ ಸಹೋದರಿಯರಿಗೆ ಉಡುಗೊರೆ ನೀಡಲು ಮಹಿಳೆಯರ ಪೆಂಡೆಂಟ್ಗಳು, ಹ್ಯಾಂಡ್ಬ್ಯಾಗ್ಗಳು, ಸಾಫ್ಟ್ ಟಾಯ್ಸ್ ಮತ್ತು ಚಾಕೊಲೇಟ್ಗಳನ್ನು ಖರೀದಿಸುತ್ತಿದ್ದಾರೆ. ಇತ್ತ ಸಹೋದರರಿಗಾಗಿ ಪರ್ಫ್ಯೂಮ್ ಸೆಟ್ಗಳು, ಪುರುಷರ ವಾಲೆಟ್ ಹಾಗೂ ಬ್ರೇಸ್ಲೆಟ್ಗಳ ಮಾರಾಟವೂ ಜೋರಾಗಿದೆ.
9 ರೂ.ನಿಂದ ಹಿಡಿದು 999 ರೂ.ವರೆಗಿನ ರಾಖಿಗಳ ಮಾರಾಟ
ರಾಖಿ ಟ್ರೆಂಡ್ ಬಗ್ಗೆ ವಿವರ ನೀಡಿರುವ ಇನ್ಸ್ಟಾಮಾರ್ಟ್ನ ಚೀಫ್ ಬ್ಯುಸಿನೆಸ್ ಆಫೀಸರ್ ಗೌತಮ್ ಸ್ವರೂಪ್, “ಗ್ರಾಹಕರ ಅಗತ್ಯಗಳು ಬದಲಾಗುತ್ತಿವೆ. ದೈನಂದಿನ ವಸ್ತುಗಳಿಂದ ಹಿಡಿದು ಪ್ರೀಮಿಯಂ ವಸ್ತುಗಳವರೆಗೆ ಎಲ್ಲವನ್ನೂ ಒದಗಿಸುವ ಉದ್ದೇಶ ನಮ್ಮದು. ‘ಸ್ವಿಚ್ ಟು ಬೆಟರ್’ ಎಂಬ ನಮ್ಮ ಧ್ಯೇಯಕ್ಕೆ ತಕ್ಕಂತೆ ಗ್ರಾಹಕರಿಗೆ ಅತ್ಯುತ್ತಮ ಆಯ್ಕೆಗಳನ್ನು ನೀಡುತ್ತಿದ್ದೇವೆ,” ಎಂದಿದ್ದಾರೆ. ಎಲ್ಲರ ಬಜೆಟ್ಗೆ ತಕ್ಕಂತೆ ಇನ್ಸ್ಟಾಮಾರ್ಟ್ನಲ್ಲಿ ಕೇವಲ 9 ರೂ.ನಿಂದ 999 ರೂ.ವರೆಗಿನ ರಾಖಿಗಳು ಲಭ್ಯವಿವೆ.
2025ರ ಹಬ್ಬದ ಅಂಕಿ-ಅಂಶಗಳನ್ನು ಗಮನಿಸಿದರೆ, ಸಾಮಾನ್ಯ ದಿನಗಳಿಗಿಂತ ರಾಖಿ ಆರ್ಡರ್ಗಳು ಈ ಬಾರಿ 3.5 ಪಟ್ಟು ಮತ್ತು ಗಿಫ್ಟ್ ಹ್ಯಾಂಪರ್ಗಳು 8 ಪಟ್ಟು ಹೆಚ್ಚಾಗಿವೆ. ಸಿಹಿತಿಂಡಿ ಮತ್ತು ಚಾಕೊಲೇಟ್ ಮಾರಾಟವೂ ಭಾರಿ ಏರಿಕೆ ಕಂಡಿದೆ. ಪ್ರಸ್ತುತ ದಿನಗಳಲ್ಲಿ ಜನರು ಹಬ್ಬಕ್ಕೂ ಹಲವು ದಿನಗಳ ಮುನ್ನವೇ ಆನ್ಲೈನ್ನಲ್ಲಿ ಶಾಪಿಂಗ್ ಮಾಡುವ ಟ್ರೆಂಡ್ ಹೆಚ್ಚಾಗಿದ್ದು, ಅದು ಈ ಬಾರಿಯೂ ಮರುಕಳಿಸಿದೆ.