ಹೈದರಾಬಾದ್, ಏಪ್ರಿಲ್ 14: ಕ್ರಿಕೆಟ್ ಆಟವನ್ನು ಅನಿಶ್ಚಿತತೆಗಳ ಆಟವೆಂದು ಕರೆಯುವುದಕ್ಕೆ ಸಾಕಷ್ಟು ಉದಾಹರಣೆಗಳಿವೆ. ಅದರಲ್ಲಿ ಮತ್ತೊಂದು ಘಟನೆ ಐಪಿಎಲ್ 2026ರ ಹೈದರಾಬಾದ್ ಮತ್ತು ರಾಜಸ್ಥಾನ್ ನಡುವಿನ ಪಂದ್ಯದಲ್ಲಿ ನಡೆದಿದೆ.
ಜಸ್ಪ್ರೀತ್ ಬುಮ್ರಾ, ಹ್ಯಾಜಲ್ವುಡ್ ರಂಥ ದಿಗ್ಗಜರನ್ನೂ ಬೆಂಡೆತ್ತಿದ್ದ 15 ವರ್ಷದ ಅದ್ಭುತ ಬ್ಯಾಟರ್ ವೈಭವ್ ಸೂರ್ಯವಂಶಿ ಈ ಬಾರಿ ‘ಗೋಲ್ಡನ್ ಡಕ್’ಗೆ ಬಲಿಯಾಗಿದ್ದಾರೆ. ಈ ದೊಡ್ಡ ವಿಕೆಟ್ ಪಡೆದಾಗ ಸನ್ರೈಸರ್ಸ್ ಮಾಲೀಕಿ ಕಾವ್ಯಾ ಮಾರನ್ ಅವರ ಸಂಭ್ರಮದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ವೈಭವ್ ವಿಕೆಟ್ ಪತನ
ಸೋಮವಾರ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ರಾಜಸ್ಥಾನ್ ರಾಯಲ್ಸ್ ಇನ್ನಿಂಗ್ಸ್ ಆರಂಭವಾದಾಗ ಎಲ್ಲರ ಕಣ್ಣು ಆರೆಂಜ್ ಕ್ಯಾಪ್ ಧರಿಸಿದ್ದ ವೈಭವ್ ಸೂರ್ಯವಂಶಿ ಮೇಲಿತ್ತು. ಆದರೆ ಹೈದರಾಬಾದ್ ಬೌಲರ್ ಪ್ರಫುಲ್ ಬೇರೆಯದೇ ಯೋಜನೆ ಹಾಕಿದ್ದರು. ಪ್ರಫುಲ್ ಎಸೆದ ವೇಗದ ಬೌನ್ಸರ್ ಗೆ ವೈಭವ್ ಪುಲ್ ಶಾಟ್ ಆಡಲು ಪ್ರಯತ್ನಿಸಿದರು. ಆದರೆ ಚೆಂಡು ಬ್ಯಾಟ್ನ ಮೇಲ್ಭಾಗಕ್ಕೆ ಬಡಿದು ಗಾಳಿಯಲ್ಲಿ ಎತ್ತರಕ್ಕೆ ಹಾರಿತು.
ಚೆಂಡು ಗಾಳಿಯಲ್ಲಿದ್ದಾಗ ವಿಐಪಿ ಸ್ಟ್ಯಾಂಡ್ನಲ್ಲಿದ್ದ ಕಾವ್ಯಾ ಮಾರನ್ ಕುಳಿತಿದ್ದ ಸೀಟಿನಿಂದಲೇ ಎದ್ದು ಜಿಗಿದರು. ಕ್ಯಾಚ್ ಕೈ ತಪ್ಪದಿರಲಿ ಎಂದು ಅವರು ಪ್ರಾರ್ಥಿಸುತ್ತಿರುವುದು ಕಂಡುಬಂತು. ಆ ವೇಳೆ ಅವರು ‘Oh f**k’ ಎಂದು ಮಾತನಾಡಿದ್ದು ನೋಡುವಾಗಲೇ ಅರ್ಥವಾಗಿತ್ತು. ವಿಕೆಟ್ ಕೀಪರ್ ಸಲೀಲ್ ಅರೋರಾ ಸುರಕ್ಷಿತವಾಗಿ ಕ್ಯಾಚ್ ಹಿಡಿಯುತ್ತಿದ್ದಂತೆ ಹೈದರಾಬಾದ್ ಕ್ಯಾಂಪ್ ನಲ್ಲಿ ಸಂಭ್ರಮ ಮನೆಮಾಡಿತು. ಕಾವ್ಯಾ ಮಾರನ್ ಸಂತೋಷದಿಂದ ಕುಣಿದಾಡಿದರು. ಈ ಕ್ಷಣದ ವಿಡಿಯೋ ಈಗ ಎಲ್ಲೆಡೆ ವೈರಲ್ ಆಗಿದೆ.
ನಿರಾಸೆಯಿಂದ ಮರಳಿದ ವೈಭವ್
ಬ್ಯಾಟಿಂಗ್ ಮಾಡುತ್ತಿದ್ದ ವೈಭವ್, ಮೊದಲ ಎಸೆತದಲ್ಲೇ ಔಟಾದಾಗ ತೀವ್ರ ನಿರಾಸೆಗೊಂಡರು. ಭಾರವಾದ ಮನಸ್ಸಿನಿಂದ ಆಕಾಶದತ್ತ ನೋಡುತ್ತಾ ಅವರು ಪೆವಿಲಿಯನ್ ಹಾದಿ ಹಿಡಿದರು. ಈ ಸೀಸನ್ನಲ್ಲಿ ವೈಭವ್ ಅವರದ್ದು ಮೊದಲ ಗೋಲ್ಡನ್ ಡಕ್ ಆಗಿದ್ದು, ಅಭಿಮಾನಿಗಳಿಗೆ ಇದು ಆಘಾತವಾಗಿದೆ. ಅವರ ಆರಂಭಿಕ ವಿಕೆಟ್ನಿಂದ ರಾಜಸ್ಥಾನ್ ತಂಡಕ್ಕೆ ಚೇತರಿಸಿಕೊಳ್ಳಲು ಸಾಧ್ಯವಾಗಲಿಲ್ಲ.
kavya maran saying “oh fuck” 😭😭 pic.twitter.com/QYxp3bJoQ6
— sportsstats (@sportsstatcs1n) April 13, 2026
ರಾಯಲ್ಸ್ ಗೆ ಮೊದಲ ಸೋಲು
ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡ ರಾಜಸ್ಥಾನ್ ರಾಯಲ್ಸ್ ವಿರುದ್ಧ 57 ರನ್ಗಳ ಭರ್ಜರಿ ಜಯ ದಾಖಲಿಸಿತು. ಈ ಸೋಲಿನೊಂದಿಗೆ ರಾಜಸ್ಥಾನ್ ರಾಯಲ್ಸ್ ತಂಡದ ಸತತ ನಾಲ್ಕು ಪಂದ್ಯಗಳ ಗೆಲುವಿನ ಓಟಕ್ಕೆ ಅಂತ್ಯ ಬಿದ್ದಿದೆ. ಹೈದರಾಬಾದ್ ಬೌಲರ್ಗಳು ಅದ್ಭುತ ಪ್ರದರ್ಶನ ನೀಡಿದರು.
ಅಂಕಪಟ್ಟಿಯಲ್ಲಿ ಬದಲಾವಣೆ
ಈ ದೊಡ್ಡ ಗೆಲುವಿನೊಂದಿಗೆ ಸನ್ರೈಸರ್ಸ್ ಹೈದರಾಬಾದ್ ಅದೃಷ್ಟ ಬದಲಾಗಿದೆ. ಐದು ಪಂದ್ಯಗಳಲ್ಲಿ ಕೇವಲ ಒಂದು ಸೋಲು ಕಂಡಿರುವ ರಾಯಲ್ಸ್ ಇನ್ನೂ ಅಗ್ರಸ್ಥಾನದಲ್ಲೇ (ನಂ. 1) ಮುಂದುವರಿದಿದೆ. ಐದು ಪಂದ್ಯಗಳಲ್ಲಿ ಎರಡು ಗೆಲುವು ಸಾಧಿಸಿರುವ ಹೈದರಾಬಾದ್ ತಂಡ ಈಗ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೆ ಜಿಗಿದಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಕಾವ್ಯಾ ಮಾರನ್ ಅವರ ವಿಡಿಯೋ ಸಾವಿರಾರು ಬಾರಿ ವೀಕ್ಷಿಸಲಾಗಿದೆ. ಕೆಲವರು ಅವರ ಸಂಭ್ರಮವನ್ನು ಸಮರ್ಥಿಸಿದರೆ, ಇನ್ನು ಕೆಲವರು ವೈಭವ್ ಅವರ ಯುವ ಪ್ರತಿಭೆಗೆ ಸಹಾನುಭೂತಿ ವ್ಯಕ್ತಪಡಿಸಿದ್ದಾರೆ.
